Ùden

De Wikipedia
Sata a-a navegassion Sata a-a serchia
Chest artícol a l'è scricc in Lumbàrt Orientàl, ortograféa unificàda Lombard oriental

Ùden, (nòm uficiàl en italià: Odeno) l'è 'na frasiù del cümü de Pèrtega Àlta en Val Sàbia, pruvìncia de Brèsa. La g'ha presapóch 65 abitàncc e la se tróa a 924 méter süra del leèl del mar.

El paizì el g'ha la sò cizìna dedicàda a Sant Apolóne, ciamàda parochiàla aisebé che oramài de fat l'è aministràda del prét de Löèm (paés che l'è a méno de 'n chilòmetro). L'è colocàda sönden dosèl e l'è stàda rifàda sö e consacràda 'ndèl sècol XVII[1]


L'abitàt l'è colocàt sönden giöna de le vìe de cumunicasiù che coléga la Val Trompia e la Val Sàbia, la stràda pruvinciàl BS-54 che la part de Brós la pàsa de Ludrì e pò la rìa zó a Nòza.

Endèi sècoi pasàcc l'è stat cümü autònomo e 'ndèi docümèncc piö ècc l'è lüminàt col nòm de "Udine" e 'l fàa part de la Pèrtega "comune diviso in dieci comunelli" (Da Lezze 1610). Endèl 1805 el vé ünìt a Laì ensèma pò a Naù e piö tàrde, endèl 1928, endèl quàder de 'na reorganizasiù generàl de le autonomìe locài, l'è nit a fà part del cümü de la Pèrtega Alta[2].

Riferimèncc[Modifega | mudìfica 'l sorgènt]

  1. http://www.ecodellevalli.tv/cms/wp-content/uploads/2013/11/XXIII-1956_monografie_49_fasc4.pdf MEMORIE STORICHE DELLA DIOCESI DI BRESCIA. VOLUME XXIII - 1956
  2. www.lombardiabeniculturali.it - Cümü de Uden