Tromsø

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
El stemma de la città

Tromsø (Romsa in lappon) a l'è ona città de la Norvegia settentrional. L'è 'l capploeugh de la contea de Troms e de nòrma l'è considerada la capital minga offizial de la Lappònia.
El nòmm el vegn del Danes e 'l voeur dì isola de Troms. L'è la settima città per popolazion de tutta la Norvegia e 'l gh'ha vari record: l'è la città con 50.000, la diòcesi cattòlica, la distilleria e 'l parch botanigh pussee a nòrd del mond.

Geografia[Mudifega | mudìfica 'l sorgènt]

El center de la città l'è situaa in su l'isola de Tromsøya, ma l'è sviluppaa anca in su Tromsdalen (val de Troms) a est e in su Kvaløya (isola di balenn) a òvest. I dò zònn periferigh hinn collegaa cont el center grazie a di pont.
Tromsø la se troeuva longh el Tromsofjord. La gh'ha on clima puttòst dolz, grazie a la Corrent del Golf, anca se la se troeuva a 350 km a nòrd del Circol Polar Artigh. Per la soa posizion inscì a nòrd l'è possibil vedè 'l fenòmen del Sô de Mezzanòtt.

Stòria[Mudifega | mudìfica 'l sorgènt]

Tromsø 'è stada fondada in del Medioev e per la soa importanza per el commercc con la vesina Russia la gh'ha avuu in del 1794 el status de città. L'è conossuda anca 'me la Paris del Nòrd
Duranta l'invasion todesca de la Norvegia del 1940, Tromsø l'ha ospitaa l'ultima sede del governo norveges, prima che i sò member scappassen in Inghilterra.

Gemellagg[Mudifega | mudìfica 'l sorgènt]