Tranvia de la Certosa de Pavia
| Tranvia de la Certosa de Pavia | |
|---|---|
| |
| Tipolojia | tranvia |
| Stats |  |
| Territore |  |
| Prencepe | Stazion de La Certosa |
| Fin | Certosa de Pavia |
| Vertura | 1913 |
| Serrada | 1944 |
| Scartament | scartament metrich |
| N. stazion e fermade | 2 |
| Lungeza | 1 km |
| Durada del percorid | 5 min |
| |
| istruzion | |
La tranvia de la Certosa de Pavia a l'è staa 'n servizzi de straport in pee del 1913 al 1944 che 'l conligava la Certosa de Pavia a la stazion omonema.
Storia[Modifega | modifica 'l sorgent]
In del 1896 el Ignazio Maria Giraud l'insubiss a la Società di Strad Ferraa del Mediterrani 'na tranvia elettriga per conligà la Certosa a la stazion cittadina inscì de favorì el turism e l'attività del Giraud, che 'l faseva di liquor in la zona. L'è presentaa on progett per conligà la stazion al monument arent a la Certosa.
Con la statalizzazion di ferrovij italiann el progett el se blocca e se torna a parlà domà in del 1909 con l'interessament del Enrico Maddalena, gener del Graud, che l'otegn la concession in del 1912 per ona linia a cavall che l'è attivada el 1 de settember 1913, dopo de 'n lavorà de trii mes. La corsa la durava cinch menut e se faseven quatter o cinch cors al dì.
Con la prima guerra mondial l'è sospeduda perchè el ministeri de la guerra el requisiss i cavaj, che tornen in del 1919 e donca el servizzi el recomincia el 1 de marz 1919.
Se pensa donca de passà a di mezz a motor e dopo che di trattativ fallissen se proeuva a motorizzà 'na carrozza cont el motor de 'n autocarr Fiat 18.
Con la segonda guerra mondial i servizzi rallenten e hinn sospenduu in del 1942 quand che i cavaj hinn confiscaa: l'è otegnuu on cavall indree che 'l permett de fà on orari redutt, fermaa in del 1944. I ered del Maddalena, fornida la guerra, proeuven a dervì de noeuv la linia ma l'è faa no perchè l'armament l'era in d'on stat gramm e 'l straport in su gomma el faseva fiss concorrenza.
I binari, che eren ancamò visibil in di agn '80, hinn staa tolt via in del 2009.
Caratteristegh[Modifega | modifica 'l sorgent]
La linia a l'era a trazion animala e a scartament metrich a binari unich cont on raddobbi per i incros: longa pocch pussee de 'n chilometer la partiva a l'ingress de la Certosa, la costeggiava el mur e a travers de la strada provincial la rivava a la stazion di treni.
Material rotabil[Modifega | modifica 'l sorgent]
In su la tranvia eren doperaa dò carrozz crompaa de segonda man de la red di tram de Genoa, ch'eren tiraa de 'n cavall ciascona. I carrozz a hinn ancamò conservaa, voeuna al Musee Volandia - in precedenza al Musee Ogliari - e l'oltra a la Certosa, indova che l'è bandonada dopo vess stada de 'n azienda milanesa.
Bibliografia[Modifega | modifica 'l sorgent]
- Francesco Ogliari, Franco Sapi, Stiffelius e berretto rosso. Storia dei trasporti italiani volume 4°, a cura degli autori, Milano, 1964.
- Mario Moretti, Il tram della Certosa, I Treni Oggi n° 62, luglio-agosto 1986, Editrice Trasporti su Rotaie, Salò (BS), pp. 29-30.