Sepp Kerschbaumer
El Sepp Kerschbaumer (Appiano sulla Strada del Vino, 9 de november del 1913 - Verona, 7 de dicember del 1964 l'è staa on terrorista sudtiroles, fondator del Befreiungsausschuss Südtirol, el moviment independentista de liberazion del Sudtirol.
El resta òrfen de paa de piscininn, vist che 'l moeur in guerra in sui Dolomitt, el se diploma in del 1927 a la scoeula de preparazion commercial e poeu, in del 1933, l'è ciappaa in l'armada italiana e l'ann dopo l'è mandaa al confin a Potenza insemma a 50 àlter sudtiroles, el torna in la soa Heimat in del 1935 grazia a 'n condon del Mussolini. Al temp di opzion in Sudtirol, el scerniss de andà a viv in Germania.
In principi iscritt al Südtiroler Volkspartei, cont el bandonà di istanz de independenza l'ha lassaa el partii per metés dent di BAS, al principi in fonzion simbolega, ma dopo de la Nòcc di foeugh e 'l menà via de la pupart di dirigent del moviment, el se da anca luu al terrorism.
El grupp patriotegh tiroles Vermaechtnis gh'ha dedicaa 'na canzon, intitolada domà Sepp Kerschbaumer.