Sali Berisha

De Wikipedia
Lumbard ucidental Quest articol chì l'è scrivuu in lombard, grafia milanesa.
El Sali Berisha

El Sali Berisha (Tropojë, 15 de ottober 1944) l'è on dottor e politigh albanes. Al dì d'incoeu (a partì del 3 de luj 2005) l'è primm minister de l'Albania, oltra a vess giamò staa president de la Repubbliga.

Biografia[Modifega | modifica 'l sorgent]

In del 1967 el s'è laureaa a Tirana e l'ha faa on master a Paris. In del 1986 l'è staa eleggiuu member del Comitad Europee per i Ricerch Medegh.
Duranta i Agn Vottanta l'è staa professor a la facoltà de medesina a Tirana e l'ha pubblicaa vari liber e articol sora la cardiologia.

La politiga[Modifega | modifica 'l sorgent]

A partì del 1969 l'ha tolt part al Partii Albanes del Lavorà (al temp gh'era la dittadura comunista de l'Enver Hoxha), e l'è staa inscì fina al 1990.
In del 1990 l'ha protestaa in piazza insema ai student contra el regimm del successor de Hoxha, el Ramiz Alia. L'ann dopo el riess a vegnì el capp del Partii Democratigh d'Albania (de center-destra), e in del 1992 el vegn el President de la Repubbliga. El vincc anca in del 1996, ma poeu el gh'ha de dimettes (1997) perchè l'era minga staa bon de mett fin a l'emergenza in del paes: per la crisi economiga, eren s'cioppaa di revolt e eren mort almanch 2000 personn.
In del 1998 l'ha tolt part al colp de Statt contra el primm minister Fatos Nano, che però l'è minga riessii.

In del 2005 l'ha vinciuu i elezion per vegnì primm minister, anca perchè i sò avversari s'hinn presentaa sligaa vun de l'alter. In del 2009 l'è staa eleggiuu anmò, anca se la situazion politiga l'è pussee complicada de prima, perchè gh'è nissuna coalizion che la gh'ha la maggioranza in Parlament, e 'l sò avversari, Edi Rama, el gh'ha domà quatter deputaa in meno de lù.
A partì del 1990 l'è semper staa president del sò partii, anca perchè gh'è mai nissun che se proponn contra de lù.