Red di tram de Rotterdam
La red di tram de Rotterdam a l'è vun di tocch pussee important del straport publich de Rotterdam. Verta dal 1879, incoeu la gh'ha 7 lign regolar e 3 speciai o stagionai.
Storia[Modifega | modifica 'l sorgent]
La red la derva in del 1879 a cavaj, per poeu fiancàgh on servizzi de tram a vapor. In del 1904 el riva el tram elettrich, e la nass la società RETM che la derva offizialment la prima linia l'ann dopo.
In del 1907 a ghe sera domà ona linia minga elettrificada, sarada in del 1927 e sostituida cont di autobus.
Dal 4 de april 1927 la società la partegn al Comun de Rotterdam.
Lign[Modifega | modifica 'l sorgent]
I lign fiss a hinn:
- Linia 2: Keizerswaard - Charlois
- Linia 4: Molenlaan - Spangen
- Linia 7: Woudestein - Willemsplein
- Linia 8: Kleiweg - Spangen
- Linia 20: Lombardijen - Rotterdam Centraal
- Linia 21: De Esch - Schiedam, Woudhoek
- Linia 23: Beverwaard - Marconiplein
- Linia 24: De Esch - Vlaardingen, Holy
- Linia 25: Carnisselande - Schiebroek
Material rotabil[Modifega | modifica 'l sorgent]
Dal 1960 al 2003 la flotta a l'era fada integralment di tram faa de la Duewag, e 'l modell pussee famos a l'è Zwevend Geleed Tramrijtuig.
Dal 2002 al 2004 la Alstom la consegna 60 Citadis articolaa a cinch sezion, ma limitaa ai tratt che hinn inscì longh de ciappàl. In del 2012 n'hinn staa ordenaa alter 53, pussee cort per fàj circolà in su tucc i lign.
Donca dal 2014 tucc i ZGT a pianal rialzaa hinn staa sostituii, e Rotterdam a l'è devegnuda la prima città del Benelux cont el tram accessibil per i disabil al 100%.