Nümar 2

De Wikipedia
Va a: navegá, truvá
Lombard Occidental Quel articul chì l'è scrivüü in Lumbard ucidental urtugrafia ünificada.


Nümar natüraal

0 | 1 | 2 | 3 | 4 | 5 | 6 | 7 | 8 | 9 | >>

0 | 10 | 20 | 30 | 40 | 50 | 60 | 70 | 80 | 90 | >>
2
Cardinaal düü dò...
Urdinaal Seguunt
Prefiss bi-, di-
Mültipel Dopi
Partitiif Mezz
Nümar rumà II
Binari 10
Esadecimaal 2


Ul nümar 2 al è ul nümar intreegh ch'al sigüta ul 1 e al ven prima dal 3.

Nomm dal nümar in difereent dialett: M.düü F.dò, du....


Ul 2 al è ul primm nümar primm pari, e al è anca l'ünech nümar primm pari. Sa diis che un intreegh al è pari si al è mültipel da 2, i.e.  x\equiv 0 \mod 2 si x al è pari. Al cuntrari un nümar al è díspari si al è mia pari. Ul 2 al è fatuur da 10, inscí che le frazziú a denuminaduur 2 i gh'a mia una paart decimala infinida cuma s'al passa cun la plüpaart di nümar intreegh. Gnanca i gh'a una paart decimala infinida le frazziú a denuminaduur una putenza da 2 e una oltra da 5.


Par qual-sa-vöör nümar x:

x+x = 2·x
x·x = x2

Ul caamp plüü ziich al cuntegn düü elemeent.

2 a l'è la basa dal sistema da nümerazziú plüü sémplis in che i nümar natüraal sa i pöda scriif da manera cuncisa, ul sistema binari, druvaa suratütt paj urdinaduur.

Si sa mültiplica un nümar par 2 s'utegn ul dopi da cheest nümar, cura ca dividiint par 2 na s'utegn la metaa, si cheest al è pari. Ul quadraa d'un nümar s'al representa cul 2 a espuneent: e cura ca l'espuneent al è 1/2 s'al diis ariis quadrada.

Al esiist difereent prefiss ch'i significa 2 e i participa in la custrüzziú d'una gran cumpagnía da parole d'üüs da tücc i dí: bi, di e , cuma in bisetimanaal, dicutòmia i düplex.

Ul 2 al è un bú nümar in la cültür Cinesa. A gh'è un pruverbi Cinees ch'al diis che "le robe bune i vegn in para". Al è nurmaal druvá düü símbul int i nomm da marca, e.g. dòpia felicitaa, dò munede, düü elefaant evi. Sa diis apó che aj Cantunees ga piaas cheest nümar par che al vöör dí 'fàcil'. In Anglees s'al dröva ul símbul 2 par representá la prepusizziú "to" u l'averbi "too", e.g. P2P (peer to peer), U2 (you too), evi.