Nísia Floresta Brasileira Augusta

De Wikipedia
Va a: navegá, truvá
Ludesàn Chel articul chi l'è scrivüd en ludesàn cun urtugrafìa ludesana
Nísia Floresta Brasileira Augusta

Nísia Floresta Brasileira Augusta, o püsè semplicemènt Nísia Floresta che in realtà la ‘s ciameva Dionísia Gonçalves Pinto (Nísia Floresta Brasil, 12 d’utùber 1810Rouen, Francia 24 d’aprìl 1885) l'è stàia una puetèsa brasiliana, famusa per difend i dirìtt d’le dòne in Brasìl.

Wikiquote-logo.svg
«Pürtròpp, le opere de Nísia Floresta i’enn pòc cunusüde e chel fàtt chì l’è la causa d’la poca cunuscensa d’una dòna insì granda e strauìrdinaria.»
(Luís Fernando Veríssimo)

Biugrafia[Mudifega | mudìfica 'l sorgènt]

Nasüda a Nísia Floresta el 12 d’utùber 1810 da pàder purtughès (Dionísio Gonçalves Pinto) e mader brasigliana (Antônia Clara Freire), Dionísia Gonçalves Pinto l'ha sernìd la sò scurmagna perchè l'era nasüda in d'una furesta e perchè Augusta l'era el cugnùm, del sò secund omm, el pàder d'la sò fiulìna Livia.

Dòpu tanti San Martìn, l'è rivada a Rio de Janeiro e l'ha fundàd dü Culegg: el Brasil e l' Augusto.

La riva a Parigi per cürà la sò filina e la püblica in del 1853 Opúsculo Humanitário, sü l'emacinpasiòn d'le dòne. In del 1875 la püblica Fragments d’un ouvrage inédit: Notes biographiques.

Tumba de Nísia Floresta, in del cimitèri de Nísia Floresta, Rio Grande do Norte.

La s'è malàda de pulmunìt e l'è morta a Rouen el 24 d’aprìl 1885, e l'è stàia purtada sü in del cimiteri de Bonsecours. In del 1954 l'è stàia purtada indrè in Brasil e purtada sü in del cimiterì del sò paesìn Paparì, che in sò unùr l'ha ciapàd el nùm de Nísia Floresta.

Se l'ha scrìtt[Mudifega | mudìfica 'l sorgènt]

  • Direitos das mulheres e injustiça dos homens, l'è 'l sò prìm liber in Brasil che'l parla d'i dirìtt d'le dòne. La s'è ispirada al lìber de Mary Wollstonecraft: Vindications of the Rights of Woman. S'pöd dì che quèst l'è el prìm liber feminista in Brasil;
  • Conselhos à minha filha, 1842;
  • Opúsculo humanitário, 1853;
  • A Mulher, 1859.

In del lìber Patronos e Acadêmicos, Veríssimo de Melo el cumencia el capìtul dedicài a Nísia insì: "Nísia Floresta Brasileira Augusta l'è stàia la dona püsè impurtanta che el Rio Grande do Norte el g'ha mai vìd".

Bibliugrafia[Mudifega | mudìfica 'l sorgènt]

  • Nísia Floresta - Vida e Obra; de Constância Lima Duarte, 1995;[1] Editora Universitária - Universidade Federal de Rio Grande do Norte. L'era stài presentàd in del 1991 cume Tesi de Laurea a l'Università de São Paulo.

Note[Mudifega | mudìfica 'l sorgènt]

  1. Nísia Floresta Brasileira Augusta: Pioneira do Feminismo Brasileiro - Séc. XIX

Ligàmm de fora[Mudifega | mudìfica 'l sorgènt]