Minimetrò
El Minimetrò a l'è on people mover su rodaia cont trazion a fun che 'l conliga 7 fermaa a Perugia.
Storia[Modifega | modifica 'l sorgent]
Ideada in di primm agn '90, in del 1998 el progett el ciappa vita. In del 2001 riva l'autorizzazion del Ministeri di Trasport.
In del 2003 scomincia el lavorà, finii in del 2008. L'è costaa 98 milion de Euro.
El design a l'è staa oeuvra del Jean Nouvel, che per i stazion l'ha doperaa i materiai del panorama arent.
L'ha ricevuu di critich, però, per la rumorosità, che per la fun la gh'è semper.
Caratteristich[Modifega | modifica 'l sorgent]
El sistema a l'è faa de la Leitner Ropeways de Vipiteno, e l'è on people mover a fun.
I 25 vittur, longh circa 5 meter e cont ona capienza de 20 personn, vann a spola in tra i capolinia cont i fermaa intermedi.
La fun la va a ona velocità costanta de 20 km/h. In di stazion, indova la vettura a l'è destaccada del cav, a gh'è di roeud de guida.