Mantra
.jpg)
On mantra (devanagari: मन्त्रम्)[1] l’è la rezitazion de di paròll sagraa, di son divin, de ona sillaba, de di fonemma, o de un grupp de paròll, o in sanscret o in dij olter lengov che hinn retegnuu de possed un quaj podè religios, magegh o spiritual.[2][3][4] I mantra pussee vegg rivaa al dì d’incœu hinn staj scrivuu in India in vedegh sanscret.[3]
L’esempi pussee sempi l’è fòrsi la paròlla ॐ (Aum, Òm) che l’è dovrada ’me on mantra e retegnuda el primm son a vesses originaa in su la terra. Quand che l’è rezitaa, el son ‘òm’ el produs di vibrazion in del còrp che vutten a calmà giò e el còrp, e la ment. In di formi pussee sofistegaa, i mantra pœuden vess anca di fras cont ona nuanz spiritual, compagna de la sid de cognossenza, realtà, lus, inmortalità, pas, amor, verità e azion.[2][5] Un quaj mantra che el gh’ha nò de sens litaral el gh’ha però de sens spiritual, deggià che el mena a livàss sù in termen de spiret.[3]
L’usanza, strucciura, fonzion, importanza e sòrt de mantra varien a segonda di scœur e di filosofij dedent de l’Induesim, Buddhesim, Gianesim e Sikhesim.[4][6]
I mantra gh’hann on rœul zentral in di tantra.[3][7] In quej tradizion chì, i mantra hinn consideraa ’me ona rezitazion sagrada e on ritual profondament personal, sovenz de caratter inziategh – siben che in de dij olter scœur l’iniziazion in del mantra la saja minga obligatoria.[8][5]
In gionta, la paròlla ‘mantra’ l’è anca dovrada per referìss a un quajcòss che el ven repetuu despess, e che donca el podaria taccà a lojà la gent pròppi a causa de l’ezzessiva repetizion.
Ligamm de dent[Modifega | modifica 'l sorgent]
Ligamm de fœura[Modifega | modifica 'l sorgent]
Wikiquote el gh'ha dent citazzion de o su Mantra
Wikimedia Commons el gh'ha dent imagin o alter archivi su Mantra
Referenz[Modifega | modifica 'l sorgent]
- ↑ "mantra" Arqiviad qé: [1] . Random House Webster's Unabridged Dictionary.
- ↑ 2,0 2,1 Jan Gonda (1963). The Indian Mantra. Oriens, 244–297.
- ↑ 3,0 3,1 3,2 3,3 Frits Staal (1996). Rituals and Mantras, Rules without meaning. Motilal Banarsidass. ISBN 978-8-12081-412-7.
- ↑ 4,0 4,1 Feuerstein, Georg (2003), The Deeper Dimension of Yoga. Shambala Publications, Boston, MA
- ↑ 5,0 5,1 Alper, Harvey (1991). Understanding mantras. Delhi: Motilal Banarsidass. ISBN 978-81-208-0746-4. OCLC 29867449.
- ↑ Nesbitt, Eleanor M. (2005), Sikhism: a very short introduction, Oxford University Press, ISBN 978-0-19-280601-7
- ↑ Goudriaan, Teun (1981). Hindu tantric and Śākta literature. Wiesbaden: Harrassowitz, Chapter VIII. ISBN 978-3-447-02091-6. OCLC 7743718.
- ↑ Boyce, M. (2001), Zoroastrians: their religious beliefs and practices, Psychology Press