Istitut Nazional Neurologich Carlo Besta
L'Istitut Nazional Neurologich Carlo Besta (Istituto Nazionale Neurologico Carlo Besta in italian) a l'è 'n istitut de ricover e cura a caratter scientifich specializzaa in neurologia.
Storia[Modifega | modifica 'l sorgent]
A l'è staa fondaa del Carlo Besta in del 1915 per curà i ferii de la prima guerra mondial cont di dagn neurologich e, in del 1918, a la fin de la guerra, a l'è elevaa a ent assistenzial per juttà anca i civil, in la soa sed provvisoria de l'Ospedaa Militar de Milan.
In del 1922 a l'è spostaa in d'ona sed in Vial Zara, in d'ona residenza che l'era in precedenza de l'Ercole Marelli, e l'è del 1924 sed de la cattedra de Clinica di malattij mentai e nervos de l'Università di Studi de Milan, che l'era del Besta, finna a la soa mort in del 1940.
In del 1930 a l'è deciduu de spostàlla in d'ona noeuva sed in Città Studi, in Via Celoria. La sed, inaugurada in del 1932 e dedicada al Vittori Emanuel III, a l'è danegiada durant de la segonda guerra mondial e donca recostruida, menter in la guerra la sed a l'è spostada a Vaprio d'Adda e a Milan a l'è lassaa domà 'n ambulatori.
In di agn '60, grazia a di donazion privaa, a hinn faa su i pavion de neurologia di fiolitt e de radioneurologia, e in di agn '70 a l'è faa su 'n alter pavion e l'è slargaa quell di fiolitt.
In del 2005 a l'è deciduu de fà su 'na noeuva sed adatta ai esigenz noeuv in l'area de la Bicocca.
