Giorgio Gori

Quest articol chì l'è scrivuu in lombard, grafia milanesa.

Ol contegnid de qell articol qé l'è de atualizar.

Al sœmea qe qesta vox qé la g'habie denter dei informazion vegie. Se ta ge rivet, dà-g una sistemada.

Giorgio Gori


Sindegh de Berghem
In carica
Prencepe del mandad	9 de giugn 2014
Predecessor	Franco Tentorio

Informazion jenerale
Partid politeg	Partii Democrategh
Profession	Imprenditor e giornalista

El Giorgio Gori (Berghem, 24 de marz 1960) l'è on politegh e imprenditor italian, sindegh de Berghem del 9 de giugn 2014 e fondator de la Magnolia.

Biografia

El Gori l'ha faa el licee classegh Paolo Sarpi a Berghem indova l'ha tolt part a di grupp politegh liberaj e de destra degià che l'ha semper aborrii la politega socialista/comunista. Appena finida la scoeula a l'è andaa in del giornalism e l'ha lavoraa per L'Eco de Berghem e per la Radio Berghem.

In del 1984 a l'è ciappaa de la Rete 4, television privada del Silvio Berlusconi e in del 1991 el deventa direttor de Canale 5 cont ona parentesi in tra el 1997 e 'l 1999 a Italia 1. El fonda la Magnolia in del 2001.

In del settember 2012 el decid de andà in politega e donca el se dimett e 'l vend tucc i sò quot.

Carrera politega

Entra in del PD in del 2011, e in del 2012 el deventa vun di assistent pussee vesin del Matteo Renzi, in corsa per i elezion primari de Italia Bene Comune del 2012, che 'l Renzi perd contra del segretari PD in carica Pier Luigi Bersani.

In del 2014 el se candida Sindegh de Berghem cont el center-sinistra e 'l vinc i primari e poeu i elezion al segond turn contra del Franco Tentorio, sindegh che 'l sortiva.

A l'è scernuu 'me candidaa del Partii Democrategh e del center-sinistra per i elezion regionai in Lombardia del 2018, nonziaa a giugn 2017. In vest de candidaa l'ha supportaa el referendum autonomista del 2017, anca se cont di motivazion different rispett a quej de la maggioranza del Robert Maron. L'è sconfitt de l'Attilio Fontana cont on scart de pussee del 20%.

El 26 de magg 2019 a l'è elegiuu ancamò al primm turn contra del Giacomo Stucchi de la Liga, sostegnu del center-destra intregh.

Vita privada

Dòpo de on matrimoni faa a 25 agn a l'è maridaa dal 1995 cont la Cristina Parodi, de che 'l gh'ha trii fioeui. A l'è staa a longh produttor de Canale 5 e Italia 1, tant che 'l Silvio Berlusconi l'ha dii de vess artefiz del sò matrimoni, anca se lu l'ha smentii.

L'è cittadin onorari de Frigento perchè l'è staa in tra i volontari rivaa in Irpinia in del 1980 dopo de l'important taramott.

Riferiment