Cors Vitori Emanuell II (Bari)
|
Quest articol chì l'è scrivud in lombard, con la Noeuva Ortografia Lombarda |
.jpg)
El cors Vitori Emanuell II (in italian corso Vittorio Emanuele II) a l'è vun di stradon pussee important de Bari, che 'l limita Bari Vegg e che ghe se facen vari pont important de la cità tant 'me el Palazzi del Comun e 'l Teater Margherita, e la forniss in Piazza Garibaldi.
A l'è stad fad su in la segonda mità del secol quell de desnoeuv del Ferdinand II di Do Sicilie in di lavorà per mudà el quarter Murat: l'ha conligad la Via Borbonega, quella che incoeu l'è via Sparano da Bari e indova che haveven apena fad su una gesa dedicada al San Ferdinand, cont el vegg Cors Ferdinandee, che incoeu el gh'è pu. Se pensava de fà, a la fin, 'na citadella borbonega con tucc i servizzi de governo, ma infin inn fad domà el Palazzi de la Prefetura e 'l Teater Piccini.
El gh'ha el nom de adess de l'unità d'Italia. In del secol quell de vint, per sbassà el vent, l'è fad su el teater Margherita.