Canal de Suez

De Wikipedia
Va a: navegá, truvá
Chest artícol a l'è scricc in Bergamàsch, ortograféa del Dücat semplificada Lombard oriental


Ol Canàl de Sùes ést dal satèlite

Ol Canal de Suez ('n arabo: قناة السويس, Qanāt al-Suways) l’è ü canàl artificiàl che l’ se tróa ‘n Egito e che l’ permèt a i naf de pasà dal Mar Mediteraneo al Mar Rós e de lé a l’Océan Indià sènsa fà ‘l gir de töta l’Africa.

Ol Ferdinand de Lesseps, diplomàtech francés, l’ gh’à üt la concesiù dal Said Pascià, Khedivè del Egito, de scaà ‘l canàl ‘n del 1854, isé l’è nasida la Compagnie Universelle du Canal Maritime de Suez che l’à tacàt i laurà ‘n del 1859 e dòpo dés agn, ‘n del 1869, la gh’è riada a dervèl fò.

Ol progèt l’è del Luigi Negrelli, ün insegnér del Trentì e ‘l canàl l’è facc da dü tòch, ü l’ part da Port Said söl Mediteraneo e l’ ria fina al Gran Lach Amar e l’ segón tòch ‘l part dal Gran Lach Amar e l’ ria a Sùes söl Mar Rós.

L'è lónch 163 chilòmeter, larch da 300 a 365 méter e fónt 22 mèter (2010); 'n origine l'éra larch dóma 52 mèter e fónt 11.

Ol Canàl de Sùes l’è stacc d’esèmpe per ol Canàl de Panama.

Ótre us del gèner[Mudifega | mudìfica 'l sorgènt]

Canàl de Panama

Canàl de Corìnt