Camillo Ruggera
Camillo Ruggera (in todesch Kamillo, Predazzo, 27 de agost 1885 – Hof an der Saale, 29 de genar del 1947), a l'è staa on militar austriegh e poeu todesch. In la Luftwaffe a l'è rivaa al grad de General der Flakartillerie.
Biografia[Modifega | modifica 'l sorgent]
El Ruggera a l'è nassuu a Predazzo de popà de Zara e mamma tirolesa.
In del 1904 l'entra in la scoeula offiziai de Vienna, e dopo 11 agn el deventa capitani, e in del 1915 el combatt in su la Piav.
In guerra a l'è ferii gravement, e el gh'ha de fà pussee de on ann de convalescenza.
A l'è part de la spedizion austriaca che l'ha poeu menaa a l'armistizi de Villa Giusti.
In del 1934, dopo avè faa di mission diplomatich per l'Austria, el va in conged, ma cont l'Anschluss del 1938 el torna in l'armada, e l'è part del Stat Maggior.
El se retira in del 1942 e, malaa de coeur, el moeur in del 1947.
Bibliografia[Modifega | modifica 'l sorgent]
- Antonio Mautone, Armistizio – Waffenstillstand. Gli ultimi giorni di guerra in Trentino e Tirolo. Chiari, Nordpress, 1999, ISBN 978-88-8538-259-6
- Tullio Marchetti, Ventotto anni nel Servizio Informazioni Militari, Trento, Museo del Risorgimento, 1960
- Bruno Zorzi; Traditori. Il dialogo immaginario tra Cesare Battisti e Camillo Ruggera, l'alto ufficiale austroungarico che firmò la resa dell'Impero. Due volti della tragedia del Trentino nella Grande Guerra. Due uomini contro, due grandi sconfitti. Trento, Curcu & Genovese, 2006. ISBN 978-88-89898-10-9