Vertebràcc

Chest artícol a l'è scricc in Lumbàrt, ortograféa orientàl unificàda.

Ertebràcc
Ezèmpe de ertebràcc: Semàntega, Pès lüna, Rhynchocyon petersi, cocodrìlo e Casuarius casuarius
Classifigazion sientífiga
Superregn: Eukaryota Regn: Animalia SubRegn: Eumetazoa Superphylum: Deuterostomia Phylum: Chordata Subphylum: Vertebrata Cuvier, 1812

I Vertebràcc i è di animài che i gh'à 'l filù 'n de schéna e i è ciamàcc isé pròpe perché 'l filù l'è facc de èrtebre, al contràre i 'nvertebràcc i gh'à mia 'l fliù 'n de schéna. I Vertebràcc i fà part del subphylum Vertebrata, che l'è 'n del phylum Chordata, che l'è in del régn Animalia.

Ol subphylum Vertebràta 'l gh'à 58.000 spéce che 'n percentüàl i è 'l 3% di spéce animài, menimà i 'nvertebràcc i sarès ol 97% .

I clas di Vertebràcc

I Vertebràcc i è clasificàcc in sèt clas:

• Agnatha, i pès sènsa ganàse, per ezèmpe i lampréde;
• Chondrichthyes, i pès cartilaginùs, pès che i gh’à mia i òs, ad ezèmpe o’ squàlo e la mànta;
• Osteichthyes, i pès che i gh’à i òs, ad ezèmpe la tròta, ecc;
• Amphibia, i anfìbi, per ezèmpe ol sat, la ràna, ecc;
• Reptilia, i rètili, per ezèmpe la lözèrta, la signòrbola, ecc., ma ach i dinozàüri;
• Aves, i ozèi, per ezèmpe ‘l piciàl, ol piviù, ecc;
• Mammalia, i mamìferi, ezèmpe ol gat, ol cà, ‘l òm, la sömia, ecc.

Per clasificài

Per clasificài gh'è de ardà a chèl che i gh'à tacàt sö a la pèl:

• i mamìferi i gh'à i péi, che ‘n del òm i diènta pò ach caèi, bàrba e barbìs;
• i ozèi i gh'à i piöme;
• i rètili i gh'à i scàie;
• i pès i gh'à i squàme;
• i anfìbi i gh'à negót, i gh'à adóma la pèl.

Riferimèncc

Ü dinozàüro: s'vèt benóne 'l filù 'n de schéna