Verdé

De Wikipedia
(Rimandaa da Verdee)
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

Verdee (Verderio in Italian; Verdé in Brianzoeu) l'è staa on comun de la Provincia de Lecch fina al 1905, quand l'è staa dividuu in dò part.

El sò nòmm l'ha fòrsi origin del latin viridarium, che'l voeur dì "giardin" (varda el milanes verzee, cont istess significaa). La presenza di Roman in quèsta zòna l'è regordada anca de alter nòmm de paes arent a Verdee, comè Vimercaa (Vicus Mercati), Bernaregg (Hiberna Regis), Sernovela (Cæsarea Novella; l'è ona frazion de Verdee de Sora) e anca Terzoeu (Militarium Tertium; l'è ona frazion de Robbiaa). L'è staa de sti part chì che i Roman hann vinciuu del tutt i Insuber in del 222 prima de Crist.

El paes l'è staa anca on center di Cavalier Templar (secoj XII-XIV) e l'è staa el loeugh de la Batalia de Verdee.

Questa batalia (del 28 april del 1799) l'è stada fada tra i Frances del general Sérrurier e i Russ del general Vukassovič, menter el Napoleon l'era a combatt in Egitt. I Frances hinn staa batuu, ma la magior part di mòrt l'era di avversari, che poeu, anca se eren staa ricevuu come di liberator del paes l'hann mettuu a ferr e foeugh.

Anca se i duu Verdee hin stacaa, mòlti servizzi (comè la scoeula e la bibliotega) a hinn in comun e giamò dò voeult, in del 1994 e in del 2004, l'è staa faa on referendum per unìj de noeuv. Tutt i dò i voeult la propòsta l'è passada a Verdee de Sòtta ma minga a Verdee de Sora.

Vôs corelaa[Modifega | mudìfica 'l sorgènt]