Valvola de intercettazion del combustibil

Quest articol chì l'è scrivuu in lombard, grafia milanesa.

La vàlvola de intercettazión del combistìbil a l’è 'n dispositìv per protég de ‘na temperadura tròppa alta on generadór alimentàa cont el combustìbil medésim con l’interrómp el fluss vèrs el brusador. ^[1]

Tipi de valvol

Valvol filettad

Avìs: chichiscì a gh’è besògn de ‘na quaj immagin

I valvol filettàa vegnen conligàd ai tubi de entrada e sortida per mèzz d’ona filettadura e hinn costruìid quand che i diameter piscinìtt fin a 2”. ^[1]

Valvol flangiad

Avìs: chichiscì a gh’è besògn de ‘na quaj immagin

I valvol flangiàa hinn conligàa ai tubi de entrada e sortida per mèzz di flangi. Quèll sistèma chì el ven de sòlit doperàa per di diameter maggiór. ^[1]

Part de la valvola

Avìs: chichiscì a gh’è besògn de ‘na quaj immagin

Còrp: part defoeura de la valvola, de sòlit d’otton per quèj flangiàa e de bronz per quèj filettàa. El gh’hà denter el stoppadór.
Stoppadór: part de la vàlvola movìbil rispètt al còrp, el servìss de schiscià su la guarnizión per dervì e sarà la valvola.
Sensór: a l’è on elemént, de sòlit de ramm che ‘l servìss de rilevà la temperadura.
Suttil: a l’è on tubicìn che 'l conliga el sensór al stoppador. El gh’hà dent on lìquid che ‘l se slarga quand che la temperadura, rilevada del sensór la va su.
Piombadura: a l’è on sigìll che ‘l pò vèss miss come garanzia che la pesadura del sistema la sia minga ninzada.
Attàcch al tubo del gas: a l’è fàa su d’on filett e d’ona flangia e ‘l permètt de conligàa la vàlvola al tubo che ‘l ghe mena e quèll che 'l se porta via el combustìbil.
Riàrm: l’è fada su d’on fust e ‘na mòlla ch ‘ i permètten la dervida de la valvola dòpo del sò intervént. L’è proteggiùu d’on cappèllòtt che l’èvita di dagn per via de possìbil bottoni. ^[1]

Caratterìstich tècnich

Temperadura de pesadura: a l’è la temperadura a la quàl la valvola la se sara su.
Tolleranza: a l’è el slontamenént possìbil accettàbil del valór de pesadura.
Pression nominàl del còrp: pressión massìma a la quàl el còrp el resìst.
Pressión nominàl de la valvola: pressión de tucc i elemént che fànn su la valvola intraversada del combustìbil.
Pressión nominàl del sensór: pressión màssima che la pò vèss sopórtada del sensór. ^[1]

Fonzionament

Quand che la temperadura in del tubo suttìl la va de là de la temperadura de taradura l’indù el stoppadór a liberàss e, ruzàa de la mòlla. el sara su la valvola. ^[1]

Vos correlad

Valvola de scarich tèrmich

Riferiment

↑ ^1,0 ^1,1 ^1,2 ^1,3 ^1,4 ^1,5 Tommaso Scalici (2018). Progettazione di impianti di riscaldamento con obbligo di denuncia INAIL (in italian). Ulrico Hoepli, 18-20. ISBN 978-88-203-8638-2.

[a-1] 1,0 ^1,1 ^1,2 ^1,3 ^1,4 ^1,5 Tommaso Scalici (2018). Progettazione di impianti di riscaldamento con obbligo di denuncia INAIL (in italian). Ulrico Hoepli, 18-20. ISBN 978-88-203-8638-2.

[1]