Terza letera de' Giuan

Quel articul chì l'è scrivüü in Lumbard, cun l'urtugrafia insübrica ünificada.

Terza Giuan

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

¹L'anzian, al predilett Gaj, che mi vöri bén in de la verità. ²Predilett, mi preghi che te prusperet riguard a tütt e te siet san, cume pruspera la tua anima. ³Perchè mi sun staa tant alegher quand hinn vegnüü di fradèll e hann testimuniaa la tua verità, cume ti te caminet in de la verità. ⁴Gh'huu minga letizia püssee granda de chest: che mi senti che i me fiö caminen in de la verità.
⁵Predilett, ti te fee una cossa fedela tütt quell che te lauret vers i fradèj e i furestee, ⁶chi hann testimuniaa al to bén denanz a la gésa, te faree bén a mandà lur in viagg in möd degn de Diu. ⁷Perchè hinn naa föra per el Nomm, sénza ciapà nagott di pagan. ⁸Dunca nümm gh'èmm de ricév taj personn, perchè diventum nümm culégh in de la verità.
⁹Mi huu scrivüü quajcossa a la gésa, ma Diutrèf, chi'l vör vèss primm tra lur, el ghe ricév no. ¹⁰Dunca, se mi vegni, regurdaruu i so oper che'l fa, acüsandugh cun paroll malign; e cuntént no cun chest, lü el ricév no i fradèj, e quej che vören el impediga e'l se cascia föra de la gésa.
¹¹Predilett, imita no el mal ma el bén; chi'l fa el bén l'è de Diu; chi'l fa el mal l'ha minga vedüü Diu. ¹²La testimunianza l'è stada dada de tücc e de la verità medema; e anca nümm testimonium, e ti te see che la nostra testimunianza l'è vera.
¹³Mi gh'avevi tant de scriv a ti, ma vöri no scrivel a ti cun incoster e pèna; ¹⁴E mi speri vedèt sübit, e parlarèmm facia a facia. ¹⁵Pas a ti. I amis te salüden. Salüda i amis segund el nomm.