Tajà foeura
El tajà foeura o tajà via, in meteorologia a l’è el procèss de isolament de on vòrtes ciclonich de la depression che l’ha ingenerà.
Process
[Modifega | modifica 'l sorgent]El procèss del tajà foeura de tipo tèrmich
[Modifega | modifica 'l sorgent]El vòrtes destaccàa el pò originà ona gotta frèggia. Ona gotta frèggia la pò vegnì tajada via de la depression principal grazie al rinfòrz del fluss zònal (o ben di vent occidentaj) ona insaccadura con ass nòrd-sud, Oppur quand che la formazion de on promontori anticiclonich el fa su on pont anticiclonich e inscì el taja foeura la gotta frèggia. Ona gotta frèggia a l’è de fàtt de l’aria frèggia in quòta o ben on profìl vertical de l’atmosfera favorevol per i temporaj. [1][2] El tajà foeura a l’è despèss repsponsabil del brutt temp in Italia e ind la zòna del Mediterraneo dela primavera a l’autunn. [2]
El procèss del tajà foeura de tipo dinàmich
[Modifega | modifica 'l sorgent]Di alter vòlt inveci del procèss del tajà foeura a l’è nò compagnàa de ona variazion de la temperadura in quòta ma domà de la pression atmosferega. In quèj casi chì el procèss a l’è de tipo dinàmich. [2] La depression che la se forma la se ciama adrée di fluss de aria calda a èst (ind l’emisfero nòrd) inscì che i anticiclon sub-tropicaj tenden a vegnì su e di vòlt provochen di ondad de calor. Invecì a òvest la ven tirà visin l’aria frèccia in direzion di pòli geografegh. [2]
Quand che i depression hinn tajàa foeura ind ona situazion de blòcch el pò vèss pericolos perché la gotta frèggia la tend a restà in su la stèssa zona per tant temp, cont i so temporaj organizzàa bon de ingenerà inondazion. [2]
Vos correlaa
[Modifega | modifica 'l sorgent]Riferiment
[Modifega | modifica 'l sorgent]- ↑ Gabriele Formentini (2009). Temporali e e Tornado (in italian). Alpha Test, 287-288. ISBN 978-88-483-0992-9.
- ↑ 2,0 2,1 2,2 2,3 2,4 http://www.meteoweb.eu/2015/02/le-gocce-fredde-e-i-cut-off-alla-scoperta-delle-principali-figure-bariche-responsabili-delle-intense-fasi-temporalesche-che-caratterizzano-il-periodo-estivo-e-lautunno/144665/