Codes sorgent per Renu

{{LOCC}}
{{f|grafia=LOCC}}
[[Archivi:One autumn morning in Basel v2.jpg|miniatura|El Ren a [[Basilea|Basiléa]]]]
El '''Ren''' (pr: ''reen'') ([[Italian]], ''Reno'' (pr: ''réno''); [[Ingles]], ''Rhine'' (pr: ''ràain''); [[Ulandes]], ''Rhijn'' (pr: ''rain''); [[Tudesch]], ''Rhein'' (pr: ''rain''); [[Rumanc]], ''Rein''; [[Frances]], ''Rhin'') l'è un [[fiüm]] de l'[[Europa]] central. Al nass in [[Svízzera]], in dii [[Grigion]], quand sa meten insema i dü [[rial]] ''[[Reno Posteriur|Hinterrhein]]'' e ''[[Vorderrhein]]'' (arent al paes de [[Reichenau]]); da lì, ul fiüm al curr in direzziun [[nort]] cunt ul nòmm de ''Alpenrhein'', al marca ul cunfín Svízzera-[[Liechtenstein]] e Svízzera-[[Austria]] fin a che al sa pucja dent in del [[Lach de Custanza]].<br />
Dopu ca l'è vegnüü fö dal lach, ga sa büta dent l'[[Aare]], vün di sò [[aflüent]] püssee impurtant. Ul Renu al marca chì ul cunfin [[Germània]]-Svízzera, prima de piegà inver [[nòort|N]] al ''ginöcc de Basiléa''; al fà da cunfin fra la [[Francja]] e la Germània, dopu de che al va dent in Germània per minga vegnì fö püü.<br />
In del teritòri tudesch ul Renu al ricef i sò aflüent püssee impurtant, saría a dì ul [[Neckar]], ul [[Mèn]] e la [[Musèla]].⁵<br />
Fra [[Bingen]] e [[Bonn]] ul fiüm al traversa ul sò trat püsse spetacular, in d'un paes de brich, runch e gur; a l'è ul tòch ciamaa ''Renu rumantich'', prutegiüü da l'[[UNESCO]], quataa de vign e busch. Sübet dopu, inveci, ul Renu al cumencia a curr in de la regiun de la [[Ruhr]], al tuca vüna dopu l'oltra i citaa de [[Culònia]], [[Düsseldorf]] e [[Duisburg]] e al ciapa dent ul [[fiüm Ruhr]]. Chell tòch chì a l'è ul püssee indüstrializaa del sò camín, e l'è dunca anca ul tòcch indué ul fiüm a l'è püsse inquinaa e la sò aqua püssee vuncia.<br />
Dopu de chì, ul fiüm al gira a [[òvest]] e al va dent in dii [[Paes Bass]]; propi cuma l'è entraa ul fiüm al tuca la sò larghèzza massima (300 meter), perché sübet dopu al sa spartiss in trì bròch:  Waal, Nederrijn (''Bass Renu'') e IJssel, ca vann ognidün per la sò strada fin ca sa trann dent in del [[Maar del Nòort]], furmant un [[delta]] insema a la [[Mosa|Musa]].

In del sò curs al passa per un badalücch de citaa impurtaant; via [[Culònia]], [[Düsseldorf]], [[Bonn]] e [[Duisburg]], gemò minzunaa, sa incuntrenn:

* [[Basilea]]
* [[Strasbürgh]] 
* [[Karlsruhe]]
* [[Mannheim]] 
* [[Ludwigshafen]]
* [[Wiesbaden]]
* [[Magunza]]
* [[Cublenza]]
* [[Rotterdam]]
* [[Niméga]]
* [[Utrecht]]

{{fiümm del muunt}}
{{Lista1000}}

[[Categoria:Fium de la Germania]]
[[Categoria:Fium de la Franza]]
[[Categoria:Fium de l'Austria]]
[[Categoria:Fium de la Svizzera]]
[[Categoria:Fium di Paes Bass]]
[[Categoria:Fium del Liechtenstein]]