Val Rendena
La Val Rendena l'è ona vall del Trentin.
Geografia
[Modifega | modifica 'l sorgent]A l'è ona vall del Trentin ocidental. L'è 'l sit indè che la nass la Sarca, el fiumm che, dopo avè traversaa el Trentin, el ghe va dent al Lagh de Garda, per poeu sortìnn foeura cont el nomm de Minsc.
La Val Rendena l'è strengiuda in tra l'Adamell a ovest e 'l Grupp del Brenta a est. A nord a gh'è la Val de Sol e la Valdenon, intant che a sud a troeuvom i Giudicari. El primm paes de la vall a l'è Verdesina, l'ultem inveci Carisoeu. A nord de Carisoeu i partissen la Val Genova a ovest e i vai Brenta, Vallesenella, Agola, Nambron e la Val de Campej.
I comun de la vall
[Modifega | modifica 'l sorgent]Pinzoeu, Carisoeu, Giustin, Massimen, Caderscion, Stremb, Bozenagh, Spiazz, Pelugh, Vigh, Darè, Villa.
Economia
[Modifega | modifica 'l sorgent]On temp, l'economia de la vall a l'era fondada in su l'agricoltura e in su la produzion de formai. Tanti rendenes de mestee faseven i moletta (che doperaven on sò taron particolar).
Al dì d'incoeu inveci la vall a l'è cognossuda per i sò atrazion turistegh invernai. El paes de Madonna de Campej l'è vun di pussee famos in tutta l'Italia per i impiant de sci.
La Val Rendena l'è anca el coeur del Parch Natural Adamell-Brenta, che la gh'ha la soa sede a Stremb.
Tutta la vall a l'è traversada de ona pista ciclabel che la partiss de Tion per rivà fin su a Carisoeu, e che la seguiss el percors de la Sarca.
La lengua
[Modifega | modifica 'l sorgent]El dialett de la Val Rendena el partegn a la variant trentina ocidental de la lengua lombarda. El gh'ha tanti pont de contatt sia coi dialett di Giudicari, sia cont el nones e 'l solander.
I dialett de l'alta vall i gh'hann di tratt pussee conservativ, intant che quei de la bassa se vesinen pussee a la koinè trentina.