Pont San March

De Wikipedia
(Rimandad de Put San March)

Chest artícol a l'è scricc in Lumbàrt, ortograféa orientàl unificàda.


Pont San March (nòm uficiàl en italià: Ponte San Marco) l'è 'na frasiù del cümü de Calsinàt, en pruvìncia de Brèsa. El paés l'è abitàt de presapóch 2200 abitàncc e 'l se tróa a 'n pér de chilòmetri a nord del sò cèntro comünàl.

Söl sò teretóre endel 1990 gh'è stat scuprìt 'n insediamènt de l'età del Bróns colocàt sönden dòs arènt a la spónda del fiöm Cés. Se tràta de 'n cèntro abitàt fondàt a l'età del bróns recènte e düràt enfìna a la prìma età del fèr. El prezènta 'n piànta regolàra orientàda NNW-SSE. Dré a chèsto as gh'ìa alineàt 'na bràca de cazète a fùrma retangolar. De sóta de chèsto leèl par éseghen en óter de l'età del bróns média e piö sóta amò s'è troàt dei rèscc del paloelìtich e neolìtich[1].

Del pont de vìsta de l'aministrasiù religiùza Pont San March el fà paròchia de per sò cönt, part de la Diòcezi de Brèsa. L'è 'ntitulàda al Sàcro Cör de Gezù e l'è stàda istitüìda ai 29 de dezèmber del 1941.

Riferimèncc[Modifega | modifica 'l sorgent]

  1. Raffaella Poggiani Keller, "Il Villaggio Preistorico e le fornaci di Ponte San Marco", Calsinàt, IKONOS editùr, 1994