Prezàt

Chest artícol a l'è scricc in Lumbàrt, ortograféa orientàl unificàda.

Öna di tur e la céza de Sant Alisànt

L'abside de la ègia céza de Sant Alisànt

Prezàt (Prezzate 'n italià) l’è ü bórgh in del cümü de Mapèl che l'se tróa a 260 méter söl lièl del mar in de l’ólta pianüra de la bergamasca pròpe a i pé di prim còi sóta l’Albènsa. Prezàt l’ se tróa strécc tra la strada statàl n° 342 Briantéa e la ferovìa Bèrghem – Lèch a sira e ‘l teritòre del cümü de Brembàt de Sura a matìna.

A Prezàt s’pöl amò èt dò tur e chèl che rèsta del castèl medioèvàl, insèma a chèl che l’ rèsta de la ègia céza de Sant Alisànt, cioè l’abside e ‘l campanìl ormài inglobàcc in del istàl di frà e la nöa céza che l'è del 1927 e l'è sèmper dedicàda a Sant Alisànt.

A Prezàt gh’è nasìt in del 1025 da öna famèa de nòbei longobàrcc, Sant Albèrt de Prezàt che la fondàt ol monastér de San Giàcom de Püntida e l’abasìa de Fontanèla.