Porta Cicca

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

Porta Cicca o Porta Cines (italian: Porta Ticinese) l'è vuna di ses port milanes pussee important.

La se troeuva a sud del centro, in sui Bastion e in tra Porta Genova (ovest) e Porta Ludovica (est).
L'ha ciappaa el sò nomm italian del fatto che la se trovava in su la strada che la menava a Pavia (Ticinum in latin). Per el nomm milanes, se sa minga ben comè che l'è nassuu (forsi de l'ispagnoeu chica, che 'l voeur dì tosa). Arent a Porta Cicca gh'è la gesa de Sant Ustorgg, quella de San Lorenz e de la Vitoria, la Darsena e 'l Navili Paves. Al de foeura de la porta, a gh'era el Borgh di formaggiatt.
L'è stada fada su in del XVI secol di Spagnoeu, in su l'istessa strada indè che eren staa faa su la veggia porta romana e quella medioeval (che l'è anmò in pee).
Al princippi del XIX secol, compagn di alter port principai, anca Porta Cicca l'è stada recostruida cont on stil noeuv, per man del Luigi Cagnola. La veggia porta l'è stada trada giò, e l'è stada costruida quella che gh'è anca incoeu. Per on quai temp la s'è ciamada Porta Marenga, per regordà la vittoria de Napoleon a Marengh, arent a Lissandria. Arent a la porta hinn staa faa duu casei del dazzi, che serviven per fà pagà l'acess a quei che vegniva a Milan su per el Navili.

Al dì d'incoeu l'è vuna di poch port de Milan a vess restada in pee.

Alter progett

Wikimedia Commons el gh'ha dent imagin o alter archivi su Porta Cicca

Vos corelaa