Codes sorgent per Padania

{{LOCC}}
[[File:Padania-Italia.png|200px|thumb|right|La [[Padania]] segund el [[Gianfranch Miglio]]; la [[Lega Nord]] la met dent anca la [[Tuscana]], l'[[Umbria]] e i [[March]]]]
La '''Padania''' a l'è 'l nom d'un teritori in di cunfin [[Talian|talian]] cumpagn del Nord Italia. La definiziun del teritori padan a l'è minga ünivuga perchè la pö fà riferiment a la visiun d'incö de la [[Lega Nord]], a quela del [[Gianfranch Miglio]] o a un quaj criteri lenguistigh. Segund quij diferent pensee chì se pö cunsiderà la Padania 'me una naziun, un'insema de naziun, una cumünità lenguistega.

== Storia ==
El [[Giuàn Brera|Giuann Brera]] l'ha tacaa a duprà el nom Padania giamò di agn '60 per segnà el teritori che al temp de [[Caton]] al curispundeva a la [[Galia Cisalpina]] (o, cunt i parol del Brera, a la «Gallia Cis- e Transpadana»)<ref>Gianni Brera, ''[http://www.brera.net/gianni/articoli/po.html Invectiva ad Patrem Padum]'', [[Guerin Sportivo]], 28 ottobre 1963</ref>. Anca l'[[Indro Montanelli]] al s'è miss dopu a duprà Padania per segnà i istess teritori<ref>Indro Montanelli, L'Italia giacobina e carbonara, 1971, Pagina 57, ''Ora tutta la Padania era nelle mani del Bonaparte salvo il Ducato di Parma e 
Piacenza ch'egli dovette rispettare per le solite considerazioni diplomatiche...''</ref>. 

In di agn '70 la seziun de la [[Lumbardia]], del [[Cantun Tisin]] e del [[Cantun Grisun]] lumbard de l'''[[Association Internationale pour la Défense des Langues et des Cultures Menacées]]'' l'ha tacaa a duprà l'agetiv padan in riferiment a l'insema di [[lenguv gal-italegh]]. In del [[1982]], el glotologista [[Geoffrey S. Hull]] de l'Üniversità  de [[Sydney]] l'ha scrivüü una tesi cunt el titul ''The Linguistic Unity of Northern Italy and Rhaetia'', induè che Padania a l'è dupraa propi per la tera induè che se parlen i lenguv gal-italegh: [[emilian-rumagnöl]], [[ligür]], [[lumbard]] e [[piemuntes]], el [[venet]], l'[[istrioto]] e, 'me anfizona, i [[lenguv retorumanz]]. L'Hull al cunsiderava tüt quij lenguv chì variant lucaj d'un ünegh sistema lenguistegh: la [[Lengua Padanesa|lengua padanesa]]. Upiniun cumpagn a hinn quij del [[Sergio Salvi]] (''La lingua padana e i suoi dialetti'')

Un'altra definiziun di cunfin padan a l'è quela del prufessur de [[scenz pulitigh]] de la [[Harvard University]] [[Robert Putnam]] che in del sò laurà ''Making Democracy Work: Civic Traditions in Modern Italy'' al fà vidè la diferenza intra el nord de l'Italia e'l rest di alter popuj sòta l'Italia in acordi ai abitüdin e i tradiziun diferent di sò gent. I diferenz vegnen culigaa al fat che in Padania eren nassüü i liber cumün de l'[[Età de mezz]] dopu de l'ann Mila. <ref> [http://www.nber.org/confer/2007/polf07/guiso.pdf] Long Term Persistence, L. Guiso, P. Sapienza, L. Zingales; mimeo, University of Chicago 2007 accessdate = 2008-05-17</ref> La definiziun del Putnam la met dent in de la Padania anca la [[Tuscana]], i [[March]] e l'[[Umbria]], regiun che però per lengua e geugrafia fan part de l'Italia centrala.

A bun cünt, la Padania a l'è quel che un temp al se ciamava ''Lumbardia'' perchè inscì a l'era ciamada tüta la tera padan-alpina. <ref> ''Gilberto Oneto, La Questione Settentrionale''</ref>

== La Padania e la Lega Nord ==
[[File:Flag of Padania.svg|thumb|200px|La Bandera de la Padania, el ''[[Suu di Alp]]'', che l'ha pruposta la [[Lega Nord]]]]
La parola Padania la gh'ha avüü una difüsiun granda a partì di agn '90, quand che la Lega la gh'ha avüü i sò prim sücess pulitegh. Il [[15_09|15 de setember]] del [[1996]] la [[Lega Nord]] l'aveva pruclamaa la ''[[Dichiarazione di indipendenza della Padania]]'' (Diciaraziun d'indipendenza de la Padania) cunt el nom ufizial de ''Repubblica Federale della Padania'' (Repübliga Federala de la Padania)<ref>http://www.giovanipadani.leganord.org/dichiarazione.asp {{Webarchive|url=https://web.archive.org/web/20130512030148/http://www.giovanipadani.leganord.org/dichiarazione.asp |date=2013-05-12 }}</ref>. 

La Padania, segund la Lega Nord,<ref>cfr. art.&nbsp;2 del "Statuto federale della Lega Nord per l'indipendenza della Padania"</ref> la saria fada de vot regiun de l'[[Italia]] del Nord urganizaa in manera de furmà 10 stat federaa, che hinn la [[Val d'Aosta]], el [[Piemunt]], la [[Ligüria]], la [[Lumbardia]], el [[Trentin]], el [[Süd Tirol]], el [[Venet]], el [[Friuli-Venezia Giulia]], l'[[Emilia]] e la [[Rumagna]], e anca trì regiun del center de l'Italia, che hinn la [[Tuscana]], l'[[Umbria]] e i [[Marche]].


== Referenz ==
<references />

== Bibliugrafia ==
* [http://www.laliberacompagnia.org/i/posters/cartina_pdn.jpg La cartina de la Padania] {{Webarchive|url=https://web.archive.org/web/20140228133232/http://www.laliberacompagnia.org/i/posters/cartina_pdn.jpg |date=2014-02-28 }}
* ''[http://www.leganord.org/ilmovimento/lega_nord_statuto.pdf Statuto federale della Lega Nord per l'indipendenza della Padania]'' apruvaa in del Cungress Federal Urdinari del 1–3 marz 2002.
* ''[https://web.archive.org/web/20090730105121/http://geocities.com/Athens/Thebes/8042/Padanese.html La Lengua Padanesa]'' - Prof. [[Geoffrey Hull]]
* Hull, Geoffrey. ''The Linguistic Unity of Northern Italy and Rhaetia: Historical Grammar of the Padanian Language''. 2 vol. Sydney: Beta Crucis, 2017. 

== Ligam de föra ==
* [http://www.padaniacity.org Associazione culturale "Internet Padano"]

== Vus curelaa ==
*[[Appenninia]]

[[Categoria:Padania]]