Montècc

Chest artícol a l'è scricc in Lumbàrt, ortograféa orientàl unificàda.

Chèll articòl ché l'è adóma ü sbòss. Se vóter sì bù de mètega dént vergót de piö, preocüpès mia e próega. Issé de ìga ön'idéa de töcc i óter sbòss, ardì qé.

Chèlla us ché la gh'ha mia di foncc o i è tròp póche. Per piasér, zónta di fóncc a la us. Issé de ìga ön'idéa di ótre us senza fóncc, ardì ché.

Montècc (nòm uficiàl en italià: Montecchio) l'è 'na frasiù del cümü de Darf, en Pruìncia de Brèsa.
El paés el se tróa endèla Al Camònega bàsa.

El paés el vé sö enden pónt stratégich de la àl, ai pè del Montécol, 'na culìna che se tróa endel fónt de la àl e che fùrma 'na sórt de stretòia natüràla endoche deènta piö fàcil controlà el pasàgio a la part média e alta de la àl. En piö a Montécc gh'è stat per tat tép l'ünich put sö l'Òi de la bàsa àl e 'n castèl medievàl che gh'ìa funsiù de contròl e per la cunquista del qual s'è combatìt divèrse batàie, prìma 'ntra Guèlf e Ghibilì e dòpo 'ntra Milanés (Viscóncc e dòpo Sfórsa, aleàcc co la famìa dei Federici) e Venésia che a la fì l'è riàda a ciapà 'l dumìnio complét de la àl e la g'ha urdinàt la distrüsiù de töcc i castèi endel 1455.

Endèl 1471 'na fràna aluviunàla la g'ha distrugìt el paés e de chèl che 'nfìna a póch agn prìma l'ìa stat el bórgh piö 'mportànte de töta la àl con pónte 'nfìna a 6000 abitàncc, gh'è restàt quàze piö negót e de alùra l'è mìa piö riàt a turnà a la 'mportànsa che 'l gh'ìa prìma isé che l'è deentàt frasiù de Darf.