Gesa de San Peder (Gallaraa)

Quest articol chì l'è scrivuu in lombard, grafia milanesa.

El dedree de la gesa, con scià l'absida.

La Gesa de San Peder (it.: Chiesa di San Pietro) l'è ona gesa romanega in del center de Galaraa.
L'è la gesa pussee veggia de la città: l'è stada fada su in tra el XI e 'l XII secol di maister comasitt. El sò stil a l'è romanegh, cont on quai element gotegh giontaa pussee tardi: inoltra, la gh'ha domà ona navada.
Cont el passà di agn gh'hann giontaa vari element, per esempi on campanin (che incoeu a gh'è pu), e dò absid laterai; inoltra hann slargaa l'absida principala e hann dervii dò fenester barocch.
In del XV secol l'è deventada on fortin: in di secoi l'è stada doperada anca 'me sala de riunion e beccheria.
In del 1844 l'è stada deciarada patrimoni nazzional; in tra el 1897 e 'l 1911 gh'è partii i lavorà de restaur: hann traa giò el campanin e tutt i cà che gh'era lì intorna, hann faa su anmò el vegg tecc de legn e decoraa el de dent. El 28 de otober del 1911 l'è stada consacrada torna.