Medioév

Chèst artìcol a l'è scricc in Lombàrd, ortograféa bergamasca del Dücàt.

Ol Medioév (significàt Età de Mès) l'è öna di quatèr époche (antìca, medievàla, modèrna e de incö) de la stòria de l'Euròpa segónd la storiograféa modèrna. La piö part di stòrech i dóvra cóme data de prensépe ol 476 (tóma de l'Impéro Romà) e per la fì ol 1492 (scoèrta de l'Amèrica). L'espressiù Medioév la compàr per la prìma ólta in del XV sècol in latì, e la riflèt ol pensà di chi agn là, che l' tegnìa in granda considerassiù la cültüra clàsseca e l' spressàa chi ótre.

Ótre datassiù

Per ol presépe:

• Ol 410, an del sach de Róma da part de l'Alarich.
• L'espansiù àraba e la fì de l'üniù del Mediteràneo in del VII sècol.
• L'incoronassiù del Carl Magn in del 800.

Per la fì:

• Ol 1348, an de la masìma espansiù de la Pèst Nigra.
• Ol 1453, an de la tóma de Costantinopel.
• Ol prensèpe de la Refórma Protestànt (1517).

Divisiù

Ol Medioév l'è dividìt in dü perìodi:

• Ólt Medioév (V-X sècol)
• Bass Medioév (XI-XIV sècol)

Ön'ótra divisiù l'è 'n quatèr perìodi:

• Tàrda Antichità (IV-VI sècol)
• Ólt Medioév (VII-X sècol)
• Pié Medioév (XI-XIII sècol)
• Bass Medioév (XIV-XV sècol)