Droàne
|
|
Chest artícol a l'è scricc in Lumbàrt, ortograféa orientàl unificàda. |
Droàne (nòm uficiàl en italià: Droane) l'è 'na frasiù del cümü de Alvistì, en pruvìncia de Brèsa. El paizì el se tróa en mès ai mucc de l'entrotèra de l'Alta Gardezàna, a 875 méter de altèsa sùra 'l leèl del mar, e a 6 km de Türà che l'è la frasiù che fà de cèntro cumünàl.
L'è oramài quàze del töt dizabitàda, (3 abitàncc endel 2001) endèna alèta ciamàda Al del Droanèl, lateràl de la Alvistì e streersàda del torènt omònim.
Endel sècol XVI el fàa amò cümü de per sò cönt, 'nfìna a che, segont la tradisiù locàla, l'è stat sterminàt de la pèste[1]
El prìm docümènt che lüminàa el bórch de Droàne l'è 'na bóla del papa Urbano III del 7 de mars del 1186 mandàda de la diòcezi de Verùna a l'arseprét Martì de Tremùzen, aministradùr per cönt de 'n tal Mènech, arseprét de la céza de S. Maria de Tignàl. En chèsto docümènt se confermàa i dirìcc antìch de chèla céza lé endèla sò giürisdisiù che la tülìa dét apò a la Alvistì.
El sant patròno de la frasiù l'è san Vigilio, che a stà la tradisiù locàla el g'harès evagelizàt chèste zòne. L'è celebràt ai 26 de zögn e 'n chèsta ocaziù se dis la mèsa e se da fò 'l pà ai prezèncc, segónt le olontà de 'n testamét antìch. La cizulìna l'è lüminàda pò a lé endela bola de papa Urbano III. L'è stàda fàda sö de nöf endel 1877, perchè chèla ècia l'ìa dré a crödà zó.
Riferimèncc
[Modifega | modifica 'l sorgent]- ↑ Vito Zeni, "Miti e leggende di Magasa e della Valle di Vestino" (Brèsa, 1996, pp. 42-44)