Codes sorgent per Dòm da Crèma

{{CRES}}

[[Archivi:CremaDuomo.JPG|miniatura|Al dòm da Crèma]]Al '''dòm da Crèma''' (an [[lengua italiana|italià]] ''Cattedrale di Santa Maria Assunta'') l'è la [[Gesa (Architettura)|céźa]] püsé 'mpurtànt da [[Crèma]].

== Stòria ==
=== Il dòm an dal méla  ===
Al sém mia cumè l'è nasìda Crèma, però tra l'an méla e al méla e cént gh'éra 'na céźa grànda cumè chèla da adès<ref name="zucchelli-64">{{Cita|Zucchelli|p. 64|zucchelli}}</ref>: i rèst i sa tróa sóta al paimént. 

I pröm docümént i è da 'l an [[1098]] e da 'l an [[1143]], numinàda cumè ''Ecclesia Sancte Mariae'' e la gh'ia trì nàade che le finìa con trì àbsid meźe tùnde<ref name="zucchelli-64" />. Sóta al [[Campanin|campanìl]], però, i ga truàt an tòch d'altàr picinì, 40 [[Ghel|ghèi]] sóta al paimént da la  céźa 'ècia con an frèsch 'ndù sa 'èd i pé da trì figüre, forse l'è an tòch da 'na custrüsiù amò püsé 'ècia<ref>{{Cita|Zucchelli|p. 85|zucchelli}}</ref>.

[[File:Riproduzione-carta-cremasco.jpg|thumb|left|upright=1.2|Muźèo da Crèma, particulàr da la cità con an mès al dòm (reprudusiù an ceràmica da la càrta 'ntitulàada  ''Desegno de Crema et del Cremascho'', la püsé 'ècia che sa cunòs che la fa 'èd al cremàsch e l'è stàcia fàcia an dal sècol dal 1400).]]


=== Dal 1185 fin al 1341 ===

Dopo l'aséde da i agn [[1159]] e [[1160]] la 'ècia céźa i l'ia sbatìda źó<ref name="zucchelli-64" />; ma l'è stacc pròpe al [[Federig Barbarossa|Barbarósa]] a inaugürà al princépe da la recostrüsiù al 7 da magg dal [[1185]]<ref name="zucchelli-64" />. I g'a cuminciàt da l'àbsid, da l'arch triunfàl e la sacristìa<ref name="zucchelli-64" />.

Gh'è da dì che an di che témp là Crèma la 'partenìa a la [[Diocesi de Piasensa|Diocesi da Piaźensa]], ma an da l'an [[1212]] la pasàa sóta chèla da [[Diocesi de Cremuna|Cremùna]]; ma i cremunìs i ga dàa mia i solcc per 'ndà 'nacc e isé i sa fermàt. Però an dal [[1284]] Crèma l'è turnàda sóta Piaźensa e i g'a riprendìt i laurà<ref name="zucchelli-64" /><ref name="ceserani1-22">{{Cita|Ceserani Ermentini|p. 22 e 23|ceserani1}}</ref>.

Per finìla i g'a metìt cinquàntasèt agn, perchè an dal fratèmp i sa duìt fermà amò per le guère fra i guèlf e i ghibelì<ref name="zucchelli-64" /><ref name="ceserani1-22" />.

Tra la fine dal méla e düźent e 'l princépe dal méla e treźent i tiràa sö al campanìl che l'éra druàt pò cumè tór da vedèta<ref name="zucchelli-67">{{Cita|Zucchelli|p. 67|zucchelli}}</ref>.

=== Dal 1341 fin al 1580 ===
An dal [[1410]] i demulìa la cieźulìna da San Giuàn che la sa truàa sö la bànda da meźanòt e la 'ignìa druàda cumè batistére<ref name="zucchelli-64" />.

Con la bóla dal [[Papa|pàpa]] Pio II, an dal [[1459]] i spustàa la preposidüra da [[Palàs|Palàs Pignà]] a Crèma, isé i dicidìa da slargà al còr<ref name="zucchelli-64" />. An dal sècol dal 1400 i alistìa l'altàr da [[Sant Ambroeus|sant'Ambròs]], che dopo al vegnìa ìntitulàt a San March an dal [[1456]], apéna sèt agn dòpo che Crèma l'era dientàda [[Republica de Venezia|'enesiàna]]. I spustàa po' al crucefés miraculùs per metìga 'na scültüra an còt da Agostino de Fondutis, che la 'nacia pèrsa. Al Consìlio generàl an dal [[1459]] al dicidìa da mètìga amò 'n ótre altàr che al vignìa 'ntitulàt a San Sebastià<ref name="zucchelli-64" />.

Tra la fine dal méla e quatreźent e 'l princépe dal méla e cinchcént i scàa la crìpta e i svalsàa al pià dal presbitére<ref>{{Cita|Zucchelli|p. 65|zucchelli}}</ref>.

An dal [[1520]] i alestìa l'altàr da la Madòna da la Misericòrdia e an dal [[1522]] i fàa sö da nóf l'[[Orghen (strümènt)|òrghen]] al pòst dal chèl che i ghia metìt an dal [[1477]]<ref name="zucchelli-66">{{Cita|Zucchelli|p. 66|zucchelli}}.</ref><ref>{{Cita|Ceserani Ermentini|p. 34|ceserani1}}</ref>.

Öna da le göglie da la faciàda la burlàa źó an dal [[1578]] e la cupàa al sagrestà; isé i dicidìa da tiràle 'ià töte e trì.

An dal [[1580]] al [[Gregori XIII|pàpa Gregòre XIII]] al creàa la [[Diocesi de Crema|diòcesi da Crèma]] e al dòm al dientàa 'na catedràl<ref name="zucchelli-66" />.

=== Dal 1580 fin ai rifacimént dal sètcént ===
[[Archivi:Crema il Duomo xilografia.jpg|miniatura|drita|Al dòm an dal [[1891]], senza le göglie e la parét da mèźdé sfundàda per 'iga custrüit le capèle an dal sètcént e le curiuźe finestrìne da la fùrma d'an faźól.]]

Dadré la faciàda i metìa an òrghen nóf an dal [[1647]]<ref name="zucchelli-66" />.

An dal [[1709]] i sfundàa la capèla a la 'nvèrsa dal presbitére per slungàla: al prugèt l'è stacc da Giàcom Avansini (''Giacomo Avanzini'') e per la decurasiù i g'a ciamàt Giàcom Paravicini (''Giacomo Parravicini''), vütat da i fredèi Grandi; anfine i spustàa ché al crucefés miraculùs<ref name="zucchelli-66" />.

Tra al [[1776]] e al [[1780]] i dicidìa da trasfurmà töt l'intérne, cumè i g'ha facc an tànte céźe dal [[medioév]], perchè i pensàa che chèle céźe ché i éra tròp sémpe; l'architèt Giàcom Źaninèl (''Giacomo Zaninelli'') anséma a l'architèt barnàbit Ermenégildo Pì (''Ermenegildo Pini'') e al decuradùr Orlando Bencèt (''Orlando Bencetti'') da [[Treì]], i 'ntervenìà mia da póch per dàga l'aparénsa dal baròch: i svalsàa 'l paimént, i cuprìa le culùne e i mür, i sfundàa i mür per fa dèle capèle nóe e isé i è scumparicc i frèsch dal Treźent e dal Quàtreźent; i decuràa amò da nóf la capèla dal crucefés<ref>{{Cita|Ceserani Ermentini|p. 38 e chèle dòpo|ceserani1}}</ref>.

=== Dal 1780 fin ad ancó ===

An dal [[1802]] i sistemàa al campanìl perchè gh'éra stacc al [[Terremot de Soncin|teremòt da Sunsì]]<ref name="ceserani3">{{Cita|Ceserani Ermentini|p. 94|ceserani3}}</ref>; i fàa amò di laurà söl campanìl an dal [[1832]], an dal [[1863]] (i muntàa al pàrafülmén) e an dal [[1877]]<ref name="ceserani3" />.

Bèa sö la fine dal Vòtcént i cuminciàa a pensà se l'éra mia mèi tirà vià töt chèl che i g'a metìt an pö cént agn pröma, ma i g'a facc nigóta<ref>{{Cita|Ceserani Ermentini|p. 41|ceserani1}}</ref>.

Tra al [[1913]] e al [[1916]] con la supervisiù da l'[[Architet|architèt]] Cilio Arpesà (''Cecilio Arpesani'') e 'l ingegnér Milio Güsàl (''Emilio Gussalli'') i 'ntervenìa sö la faciàda per sustitüì dèle culunìne e i fàa mèt amò le göglie. An dal [[1935]] i demulìa l'ala dal vescuàd che l'éra stacià tiràda sö an dal [[1587]] e che l'éra tacàda al dòm<ref>{{Cita|Ceserani Ermentini|p. 42|ceserani1}}</ref>.

An di agn cinquànta dal Nófcént i lauràà per tirà 'ià töt chèl che i gh'ia metìt an dal Sètcént; l'è stacc an laurà pròpe gròs sùra al prugèt da Àmos Edàllo e la culaburasiù da Corrado Verga<ref name="ceserani1-45">{{Cita|Ceserani Ermentini|p. 45|ceserani1}}</ref><ref name="zucchelli-68">{{Cita|Zucchelli|p. 68|zucchelli}}</ref>.

I tiràa vià pò le capèle da le bànde, i sbasàa la 'ólta da la crìpta, i riestìa al presbitére an màrmor e i metìa an altàr nóf <ref name="ceserani1-45" /><ref name="zucchelli-68" />. I ripristìnàa pò al paimént con chèl vècc an còt dal cinchcént<ref name="ceserani1-45" /><ref name="zucchelli-68" />.

L'inaügürasiù i la fàa al 26 da [[april|aprìl]] dal [[1959]] e vignìa źó l'arcivèscof da [[Milà]], al cardinàl Giuàn Batìsta Muntì (''Giovan Battista Montini''), chèl che dópo l'è dientàt al pàpa [[Pàol VI|Pàol VI]]<ref>{{cita news|autore=|titolo=La prima Messa nel Duomo restaurato è stata celebrata dal Cardinale Montini|pubblicazione=La Provincia|data=sàbet 25 da [[april|aprìl]] dal 1959}}</ref><ref>{{cita news|autore=|url|titolo=I sette anni di restauri del Duomo di Crema nel racconto dell'artista che li diresse|pubblicazione=La Provincia|data=martedé 28 da [[april|aprìl]] dal [[1959]]}}</ref>.

Tra al [[1983] ed al [[1984]] i restaüràa al campanìl sùra an prugèt da i architècc Ermentì<ref name="zucchelli-67" />.

An dal [[1992]] an dal dòm al vignìa a fa 'ìźita al [[Giovann Paol II|pàpa Giuàn Pàol II]]<ref>{{cita news|autore=Antonio Grassi|titolo=Il Papa affascina i cremaschi|pubblicazione=La Provincia|data=dumìnica 22  da [[Giügn|giögn]] dal [[1992]]}}</ref>.

Tra al [[2004]] ed al [[2006]] i scàa dadré la crìpta 'na capèla nóa per metìga déte töte le tùmbe di [[Vescov|vèscof]] da Crèma<ref>{{cita news|autore=Gianni Bianchessi|titolo=Paravisi, messa in suffragio|pubblicazione=La Provincia|data=venerdé 2  da [[Setember|setémbre]] dal [[2005]]}}</ref>.

Anfine, a partì da l'an [[2010]] e fin a l'an [[2014]] i fàa an restaüro gròs bé<ref>{{cita news|autore=Giorgio Zucchelli|titolo=S. Pantaleone: duomo nuovo|pubblicazione=Il Nuovo Torrazzo|data=sàbet 14 da [[Giügn|giögn]] dal 2014}}</ref>.

==Architetüra==
===La faciàda===
[[Archivi:Duomo-crema-portale.jpg|miniatura|drita|La pòrta principàl.]]Al dòm al g'a ì'na faciàda püsé 'ólta da le naàde, isé al g'a dó finèstre che le 'àrda an cél. Che tri arch a töta mònta, co' 'l purtàl an mès con al ruźù da sùra che 'l ga sédes pétali<ref>{{Cita|Ceserani Ermentini|p. 57 e segg.|ceserani1}}</ref>.

Sùra l'architràf  dal purtàl che 'na scültüra con la [[Maria, mader de Gesü|Madòna]] e al [[Gesü de Nazaret|Bambì Gesö]] tra i sancc [[San Gioann Batista|Giuàn Batìsta]] e San Pantigliù<ref>{{Cita|Zucchelli|p. 77 e 78|zucchelli}}</ref><ref name=”inserto”>{{cita news|autore=Luca Guerini|url|titolo=Un Duomo inedito|pubblicazione=La Cattedrale ritrovata (insèrt dal ''Il Nuovo Torrazzo)''|data=2014}}</ref>.

Sö le dó mèźe culùne gh'è mürade dó làpide che le ricòrda 'ndù l'era riàda la cüstrusiù an dal [[1301]] e an dal [[1305]].

Tra 'l purtàl e 'l ruźù al mür l'è püsé ciàr perchè ché al gh'éra 'na ólta an frèsch che rafigüràa [[Sant Ambroeus|Sant'Ambròs]] e che i gh'ia pitürat an dal [[1345]]<ref name="ceserani-28">{{Cita|Ceserani Ermentini|p. 28|ceserani1}}</ref>. An di témp andré gh'éra sicüramént di ótre frèsch perchè quand i g'a netàt la faciàda an dal [[2011]] i ga truàt quai tüchèi<ref name=”inserto” />.

<gallery>
Immagine:particolare-duomo-crema-1.jpg|Particulàr
Immagine:particolare-duomo-crema-2.jpg|Particulàr
Immagine:particolare-duomo-crema-3.jpg|Particulàr dal purtàl
Immagine:particolare-duomo-crema-4.jpg|La lòbia da sùra
</gallery>
<gallery>
Immagine:particolare-duomo-crema-5.jpg|Öna làpida
Immagine:particolare-duomo-crema-6.jpg|'Na furmèla
Immagine:particolare-duomo-crema-7.jpg|Al ruźù
Immagine:particolare-duomo-crema-8.jpg|La finèstra 'nvèrsa che la 'àrda an cél
</gallery>

=== I mür da le bànde ===
[[File:Duomo-crema-fiancata.jpg|thumb|La bànda che la àrda a meźdé]]Le dó bànde le sa 'èd cumè i è stacie ripristinàde quand i g'a restaüràt al dòm an da la metà dal Nofcént.

Gh'è quàtre cuntrafòrt che i sepàra la céźa an cinch campàde: sö da sùra, sól mür da la nàada da mès gh'è del finèstre bìfore; da sóta gh'è dèle finéstre lùnghe meno an mès 'ndu gh'è 'na pòrta dal treźént; sùra la pòrta gh'è la scültüra da la ''Madòna dal Póm''<ref name="zucchelli-79">{{Cita|Zucchelli|p. 79|zucchelli}}</ref>.

La bandà vèrs la mèźanòt la süméa a l'ótra, ma ghé an pö 'na purtiźina e 'na bìfora, töte dó stòpe. Vèrs al fùnd al mür l'è querciàt da la sagrestéa nóa a dal vescuàd<ref name="zucchelli-79" />. 

Sóta le grùnde gh'è 'na decurasiù fàcia con di archècc töcc ancruźiàt an còt<ref name="zucchelli-79" />.

=== Al campanìl ===
Al campanìl l'è stacc tiràt sö tra al méla e düźént e al méla e treźént sùra la capèla da San Pantigliù<ref name="zucchelli-79" />.

L'è làrgh sö per źó sés méter e mès per banda, l'è ólt 58 méter<ref name="gac" />con dù pilàstre dièrs da sóta; le gh'è dèle curniźèle che le sepàra ògné bànda an sés pàrt<ref name="gac">{{Cita|Gruppo Antrolopologico Cremasco|p. 42 e segg.|gac}}</ref>.

An cèrto punto sa 'èd 'na purtiźina: ché sa truàa 'na ólta la cà dal campanér che isé al pudìa 'na déte an da la tór sensa fa töt al gir<ref name="gac" />.

La cèla la g'a finèstre dapertöt e déte gh'è le campàne da la faméa Crèspi dal [[1753]]. Süra töt gh'è 'na lantèrna a vòt bande e la pùnta che la va sö e la sa stréns an pùnta<ref name="gac" />.

==Da déte==
[[Archivi:Duomo-crema-navata-centrale.jpg|miniatura|drita|La nàada da mès]]Al dòm da Crèma al g'a 'na piànta con trì nàade; chèla da mès la finés con an absìd col mür drécc, calmént chèle da le bande le finés con dèle capèle. Al paimént l'è an brìs püsé bas da chèl da la piàsa isé quand ü và déte al ga da fà di basèi<ref name="cereani1-63">{{Cita|Ceserani Ermentini|p. 63 e segg.|ceserani1}}</ref>.

A 'ardà an sö gh'è dèle gròse culùne e an mès le sa tèca dèle mèźe culùne che le va 'nvèrs la 'ólta e le furma di arch göss; le 'ólte an mès da ògne campàda, anvéce, i'è ancruźiàde<ref name="cereani1-63" />.

Le culùne che le pòrta l'arch triunfàl i'è dièrse e sö chèla 'ndrecia sa 'èd cumè al princépe da 'na 'ólta püsé bàsa; fórse quand i g'a cuminciàt a recostrüi al dom i pensàa a 'na céźa mia ólta cumè chèla da adès<ref name="cereani1-63" />.

An da la nàada da mès, da sùra, gh'è le finèstre, ma gh'è pò dèle finéstre püsé da sóta che però le 'àrda söl sótatècc<ref name="cereani1-63" />.

==Pitüre e scültüre==
===Söla 'nvèrsa===
[[Archivi:Duomo-crema-madonna-della-misericordia.jpg|miniatura|drita|L'altàr da la Madòna da la Misericòrdia]]A la prima campàda gh'è l'altàr da la Misericòrdia che i g'a lasàt comè l'era stacc trasfurmàt an dal Sètcént per fa 'èd cumè l'éra dientàda la céźa da déte. An mès gh'è al frèsch che rafigüra la ''Madòna col Bambì'', fàcià da Rinaldo da Spì (''Rinaldo da Spino'') e 'urìda dal Signùr da Crèma Giòrg Benźù (''Giorgio Benzoni'') an da i pröm agn dal Quàtreźént; però l'è stàcia ritucàda da Vincéns Civèrch (''Vincenzo Civerchio'') - che al g'a metìa San Giüsèp e San Giuàn Batìsta – e da Màer Picenàrd (''Mauro Picenardi'') che al g'a pitüràt gli angiulì tra i nìgui<ref>{{Cita|Ceserani Ermentini|p. 66 e 68|ceserani1}}</ref>.

A la secùnda campàda che an quàdre da Vincéns Civèrch dal [[1518]] e gh'è sùra San Sebastià, San Cristòfer e [[San Rocch|San Roch]]<ref name="zucchelli1-114">{{Cita|Zucchelli|p.114|zucchelli1}}</ref>. Sö i mür gh'è pò an tüchèl d'an frèsch püsé 'ècc, la fàcia da 'na ''Madòna söl trù''<ref name="ceserani1-70">{{Cita|Ceserani Ermentini|p. 70 e 71|ceserani1}}</ref>.

A la tèrsa campàda an bàs gh'è la pòrta che la va fóra vèrs la piàsa e gh'è 'n ótre ingrès vèrs la sagrestìa nóa. Da sùra che 'n grand quàdre da Guido Réni che al rafigüra ''Gesö che al aparés a San March'', cumisiunàt dal Munt da Pietà<ref name="ceserani1-89">{{Cita|Ceserani Ermentini|p. 89|ceserani1}}</ref>.

A la quàrta campàda gh'è amò di tòch da frèsc dal Treźént: sa recunòs 'na Madòna e al Bambì<ref name="ceserani1-72">{{Cita|Ceserani Ermentini|p. 72|ceserani1}}</ref>; sùra 'na mensùla gh'è 'n statüa da lègn da Vincéns Civèrch che la rafigüra la Madòna<ref name="ceserani1-72" />.

A la quìnta campàda gh'è i cunfesiunài.

===An fùnd===
{| class="wikitable floatright" style="width: 350px;margin:0 5px;";
|-
! Al crucefés miraculùs
|-
| La deusiù al crucefés l'è nasìda an dal [[1448]] quand gh'éra le guére tra i guèlf e i ghibelì; an ghibelì [[Bèrghem|bergamàsch]] che sa ciamàa Giuàn Alchì e di ótre suldàcc i gh'ia facc an bivàcc pròpe an dal dòm; l'Alchì an cèrto pùnto al cuminciàa a dì an pó da spropòźet: al g'a tecàt a dì che Gesö l'éra 'n guèlf perchè al gh'ia giràt al có sö l'andrécia, isé al g'a ciapàt al crucefés e l'a sbatìt an dal fóch; töcc chèi che gh'éra antùrne i sa stramìcc e i l'a tirà vià dal fóch e i nutàa che le gàmbe i éra an pó spustàde, cumè se al Signur al g'a 'urìt tiràle. Quand i g'a restaürat al crucefés an dal [[1999]] i g'a truàt i sègn da le brüźadüre. Dal chèla vicénda i furestér i g'a cuminciàt a ciamà i cremàsch “i bruźacristi”, ma l'è mia tànt vìra, dato che a sbàtel an dal fóch l'è stacc an bergamàsch<ref>{{Cita|Zucchelli|p. 90|zucchelli1}}</ref>.
[[Archivi:Duomo-crema-cappella-crocifisso.jpg|miniatura|centro|La capèla dal Crucefés]]
|}

A la fine da la nàada 'nvèrsa gh'è la capèla dal Crucefés, sculpìt tra al [[1250]] ed al [[1275]], fórse an [[Frància]]<ref name="ceserani1-75">{{Cita|Ceserani Ermentini|p. 75|ceserani1}}</ref>. Sö i mür gh'è dó quàdre dal Vòtcént dal pitùr Sante Legnà (''Sante Legnani''): ''Al Crucefés sbatìt an dal fóch'' e ''La süplica dal Crucefés''<ref name="ceserani1-75" />.

Al presbitère al g'a adès an altàr facc da Màrio Tufèt (''Mario Toffetti'') an dal [[1979]]; gh'è pò 'na crùs tacàda vià da  Nicòla Sebàstio e dunàda dal vèscof Carlo Mansiàna (''Carlo Manziana'')<ref name="zucchelli1-86">{{Cita|Zucchelli|p. 86|zucchelli1}}</ref>. Ché i g'à metìt la cadréga nóa dal vèscof an [[Marmor|màrmor]] ròs da [[Asiago|Asiàch]] fàcia da Màrio Tufèt con al ''Bun Pastòr'' söl schénàl e i pàpi Pàol VI e Giuàn Pàol II da bànda<ref>{{cita news|autore=Giorgio Zucchelli|url|titolo=Cattedrale, cioè Cattedra|pubblicazione=La Cattedrale ritrovata (insèrt de Il Nuovo Torrazzo)|data=2014}}</ref>.
 
Sempre al Tufèt l'è chèl che al g'a rifàt al paimént e l'ambù<ref name="presbiterio">{{cita news|autore=Giorgio Zucchelli|url|titolo=L'annuncio della parola|pubblicazione=La Cattedrale ritrovata (insèrt de Il Nuovo Torrazzo)|data=2014}}</ref>, i ültém laurà che al g'a facc pröma da mór<ref>{{cita news|autore=Pietro Tosca|url=http://bergamo.corriere.it/bergamo/notizie/cultura-e-spettacoli/13_novembre_11/da-contadino-scultore-papi-addio-toffetti-26bff71e-4aa7-11e3-bfcf-202576418f24.shtml?refresh_ce-cp|titolo=Da contadino a scultore dei Papi. Addio a Toffetti|pubblicazione=Corriere della Sera - Edizione Bergamo|data=12 da [[Nuember|nuémbre]] dal [[2013]]|accesso=}}</ref>.

Söl mür da fùnd gh'è tacàt an quàdre pròpe grand, 'ólt cinch méter, che al rafigüra l<nowiki>'</nowiki>''Asunsiù'', forse da Vincéns Civèrch ma prubabilmént i g'a metìt mà pò di ótre pitùr, cumè al Picenàrd  an dal [[1790]]<ref name="paradiso">{{cita news|autore=Giorgio Zucchelli|url|titolo=Il paradiso nell'abside|pubblicazione=La Cattedrale ritrovata (insèrt de Il Nuovo Torrazzo)|data=2014}}</ref>. Söle bànde gh'è l<nowiki>'</nowiki>''Anunciasiù'' amò dal Civèrch pitürada sö dó panèi che 'na ólta i éra dó ànte d'òrghen<ref>{{Cita|Ceserani Ermentini|p. 80|ceserani1}}</ref>; sùra l'ótre mür g'hè la ''Sàcra Faméa'', sémpre dal Civèrch o da la sò scóla<ref name="paradiso" />.

Źó da bàs gh'è an frèsch da la fine dal quàtreźént, ''I sèt che dòrma''<ref name="ceserani1-77">{{Cita|Ceserani Ermentini|p. 77|ceserani1}}</ref>.

Sóta an da la crìpta sa và per dó scàle an màrmor. Le culùnè i è vècie ma al sufét l'è da la metà da Nofcént. An fùnd gh'è 'n altàr con 'na ''Madòna'' dal Picénard<ref>{{Cita|Ceserani Ermentini|p. 83 e 84|ceserani1}}</ref>.

Ché sóta i g'a trasferìt an dal [[2016]] an gróp da statüe che fin a l'an [[1991]] l'éra an dal santüare dal Marsàl; l'è an légn pitürat, da la secunda metà dal Quàtreźént e le rafigüra San Giuàn, San Giüsèp d'Arimatéa, Nicodém, la Madòna, Maria Madalèna, Marìa da Cléofa, Marìa da Salomè. Per tèra gh'è slungàt źó Gesö tirat źó da la crus<ref>{{cita news|autore=Giorgio Zucchelli|url=|titolo=Il Compianto del Marzale in Duomo|pubblicazione=Il Nuovo Torrazzo|data=12 da [[mars]] dal 2016|accesso=|lingua=|formato=}}</ref>. A le bànde gh'è du quàdre da Ugo Bachèta (''Ugo Bacchetta'') regalàcc dai parént an da l'an [[2020]]: i rafigüra ''Gesö Crucefés'' e ''Gesö depòst''<ref>{{cita news|autore=Greta Mariani|url=|titolo=Opere inedite di Bacchetta per il Diomo|pubblicazione=La Provincia|data=15 da [[Dicember|dicémbre]] 2020|accesso=|lingua=|formato=}}</ref>.

Söla 'ndrécia da l'altàr magiùr gh'è la capèla da San Pantigliù; söl fùnd sòta 'na finèstra gh'è 'na nécia con an frèsch che rafigüra la ''Madonà co 'l Bambì e 'n fràt anźénuciàt''. Sö l'altàr gh'è la statüa da San Pantigliù, fàcia dal Civèrch tra al [[1528]] ed al [[1530]]<ref name="ceserani1-86">{{Cita|Ceserani Ermentini|p. 86 e 87|ceserani1}}</ref>; San Pantigliù l'è al prutetùr da Crèma e chèsta l'è la statüa che sa pòrta an prucesiù al dés da giögn, dé che festègia al sànt<ref>{{Cita|Zucchelli|p. 108|zucchelli1}}</ref>.

Söl mür 'nvèrs gh'è la quàdre con ''San Pantigliù, San Viturià e San Belì'' dal Picénard<ref name="ceserani1-86" />; süra la ólta d'ingrès da la capèla gh'è ''La Pasiù da San Pantigliù'', da Carlo Ürbì e intervént dal Picénard<ref>{{Cita|Zucchelli|p. 107|zucchelli1}}</ref>.

<gallery>
Duomo-crema-altare-maggiore.jpg|L'altàr magiùr
Cripta-duomo-crema-1.jpg|I mür da 'l dòm vècc
</gallery>

===Söla 'ndrècia===
A la quìnta campata, sùra i cunfesiunài gh'è tacàcc dù quàdre da Giuàn Batìsta Lüsì (''Giovan Battista Lucini''), ''Al miràcol da Ofìda'' e ''La Cümüniù da la beàda Cadamóst''<ref>{{Cita|Ceserani Ermentini|p. 88|ceserani1}}</ref>.

A la quàrta campàda i g'ha metìt amò dù quàdre dal Lüsì che pröma i sa truàa da l'ótra bànda söla quinta campàda 'nvèrsa<ref name="ceserani1-74">{{Cita|Ceserani Ermentini|p. 74|ceserani1}}</ref>: ''Al miràcol da Poźen'' e ''Al miràcol da Bulséna''<ref name="ceserani1-74" />.

A la tèrsa campàda sa dèrf la pòrta che la ména an piàsa<ref name="ceseran1-92">{{Cita|Ceserani Ermentini|p. 92|ceserani1}}</ref>.

A la secùnda campàda gh'è dù quàdre, 'na ''Sàcra Cunversasiù'' atribüìda a Francèsch Bisól (''Francesco Bissolo'') con la Madòna, al Bambì, San Giüsèp, San Giuàn Batìsta picèn e dù sancc mia identificacc con la 'èsta da fràt<ref name="ceseran1-92" />. Al secùnd al rafigüra ''Santa Lüséa'' dal Picenàrd<ref>{{Cita|Ceserani Ermentini|p. 93|ceserani1}}</ref>.

Gh'è pò 'na statüa dedicada al [[Piu XII|pàpa Pio XI]] da Quintilià Curbeli (''Quintiliano Corbellini'') con 'na scrìda che la ricòrda le pruveniénse cremàsche di paréncc dal pàpa<ref>{{Cita|Zucchelli|p. 120|zucchelli1}}</ref>.

A la pröma campàda gh'è an altàr dal Sètcént circundàt da 'na balaöstra; sùra che an sarcòfégh con déte San Giacìnto, regalàt dal cardinàl Piéro Otobòni (''Pietro Ottoboni''); söl mür gh'é pò 'na ''Madòna co' 'l Bambì'' dal Treźént<ref name="ceseran1-95">{{Cita|Ceserani Ermentini|p. 95|ceserani1}}</ref>.

==La faciàda da déte==
[[Archivi:Duomo-crema-maestà.jpg|miniatura|drita|I frèsch dal méla e treźént söla faciàda da déte]]Söla faciàda da déte gh'è al batistére an màrmor da Caràra a 'òt bànde co' an quercc da lègn da nus dal cinchcént<ref>{{cita news|autore=Giorgio Zucchelli|url|titolo=Il battistero ottagonale|pubblicazione=La Cattedrale ritrovata (insèrt de Il Nuovo Torrazzo)|data=2014}}</ref>.

Söl mür sa 'èd quai tüchèi da frèsch: 'na ''Maestà'', an sant ché lès an lébre, figüre da àngei; le finéstre le g'a dèle vedràde dal Vòtcent con sö San Sebastià e San Vitùr; la 'edràda  dal ruźù l'è da 'l [[1980]] sùra an prugèt da i architècc Ermentì<ref>{{Cita|Ceserani Ermentini|p. 98|ceserani1}}</ref>.

==Le sagrestìe e al lucàl per le peniténse==
Da la capèla dal Crucéfes sa va déte 'n da la sagrestìa vècia, fàcia sö ansèma al dòm, da la fùrma quadràda con le ólte 'ncruźiàde e 'na culùna an mès<ref name="zucchelli1-85">{{Cita|Zucchelli|p. 84 e 85|zucchelli1}}</ref>.

Da ché sa va déte 'nda la sagrestìa nóa, con mobìi dal Sètcént e tancie quàdre<ref name="zucchelli1-85" />: l'&#39;''Adurasiù di re Màgi'', da Pàol Cavàgna (''Paolo Cavagna''), dó Madòne col Bambì, fòrse da Carlo Ürbì, la ''Cunfesiù da San Pàol'' e ''La parténsa da Tobìa'' che i pararès da Maer Picénard; la tìla da ''Gesò sö la crùs'' al sèm mia da ci l'è; quàtre quadre mès tùnd che i pàrla da Maria, fórse da la scóla da Giuàn Batìsta Castèl (''Giovan Battista Castello'') o Vincéns Civèrch, ma argù i dìs che i è da Francèsch Catena, Anfine, gh'è trì quàdre sènsa nóm dal 'l pitùr: ''La mòrt'', l<nowiki>'</nowiki>''Asensiù'' e l<nowiki>'</nowiki>''Incurunasiù da Marìa''<ref name="zucchelli1-85" />.
 
Gh'è tacàt pò an ex vóto 'ntitulàt al ''Miràcol da Quintà'', 'urìda da la źént da chel paìs per ringrasià al Signùr che i animài i è mià mòrt quand gh'éra 'n gir la pèst che la cupàa töte le bèstie<ref name="zucchelli1-85" />. 

Al lucàl per le peniténse l'è stàcc pitürat a témpera an da 'l [[1962]] da Ruźàre Fulcì (''Rosario Folcini'')) con i mistére da la [[Pasqua]]<ref>{{cita news|autore=Giorgio Zucchelli|url|titolo=Confessione: secondo Battesimo|pubblicazione=La Cattedrale ritrovata (insèrt de Il Nuovo Torrazzo)|data=2014}}</ref>.

== Nòte ==
<references/>

== Lébre ==
* {{cita libro | nome= Augusto| cognome= Cambié| titolo= Il Duomo di Crema| anno= [[1913]]| editore= Basso| città= [[Crèma]] |cid= cambie }}
* {{cita libro | nome= Guido| cognome= Verga| titolo= Studio sul Duomo di Crema| anno= [[1931]]| editore= Cremona Nuova| città= [[Cremùna]] |cid= verga }}
* {{cita libro | nome= Amos| cognome= Edallo| titolo= Il Duomo di Crema alla luce dei nuovi restauri| anno= 1955| editore= Banca Popolare Agricola| città= [[Crèma]] |cid=edallo }}
* {{cita libro | nome= Andrea| cognome= Bombelli| titolo= Crema Bella. Guida artistica di Crema e dintorni| anno= 1959| editore= Cremona Nuova| città= [[Cremùna]] |p= 19-25 |edizione= 2 |cid= bombelli }}
* {{cita libro | nome= Lidia| cognome= Ceserani Ermentini| titolo= Il Duomo di Crema| anno= 1989| editore= Camera di commercio, industria, artigianato e agricoltura| città= [[Cremùna]] |cid=ceserani1 }}
* {{cita libro | nome= Lidia| cognome= Ceserani Ermentini| titolo= Il campanile del Duomo di Crema. Documenti e storia in Insula Fulcheria | anno= [[1988]]| editore= | città= [[Crèma]] |cid=ceserani3 }}
* {{cita libro | nome= Lidia| cognome= Ceserani Ermentini| titolo= Il volto della città. Crema nella storia e nell'arte| anno= [[1990]]| editore= Leva Artigrafiche| città= [[Crèma]] |cid=ceserani2 }}
* {{cita libro | nome= Dado| cognome= Edallo| titolo= Crema, la formazione del tessuto urbano in L'immagine di Crema a cura del Gruppo Antropologico Cremasco| anno= [[1995]]| editore= Leva Artigrafiche| città= [[Crèma]] |cid=edallo }}
* {{cita libro | nome= Annunziata| cognome= Miscioscia| titolo= Crema| anno= [[2003]]| editore= Comune di Crema| città= [[Crèma]] |cid=miscioscia }}
* {{cita libro | nome= Giorgio| cognome= Zucchelli| titolo= La Cattedrale di Crema| anno= 2003| editore= edizioni Il Nuovo Torrazzo| città= [[Cremùna]]|cid=zucchelli }}
* {{cita libro | nome= | cognome= Gruppo Antropologico Cremasco| titolo= Campane è campanér| anno= [[2007]]| editore= Buona Stampa| città= Crema|cid=gac }}
* {{cita libro | nome= | cognome= Autori vari| titolo= I campanili della Diocesi di Crema| anno= 2009| editore= Leva Artigrafichea| città= [[Crèma]]|cid=campanili1 }}
* {{cita web|url= http://campanecremasche.sitiwebs.com/page11.php|titolo= Campane e campanili cremaschi|accesso= 18 da [[magg]] dal [[2014]]|cid= campanili2|urlmorto= sì|urlarchivio= https://web.archive.org/web/20140518134943/http://campanecremasche.sitiwebs.com/page11.php|dataarchivio= 18 da [[magg]] dal [[2014]]}}
* {{cita testo|autore= Don Giacomo Carniti|url= http://www.comunecrema.it/sviluppo/public/upload/File/FDMuseo/Insula_Fulcheria_XLI_2011/Crema_una_vocazione_musicale.pdf|titolo= Storia degli organi della Cattedrale di Crema|pubblicazione= Insula Fulcheria|data= [[2001]]|editore= Grafiche Rossi|7= |città= [[Castigliòn|Castigliù]]|vol= XLI|pp= 81-123|accesso= |cid= carniti|urlarchivio= https://web.archive.org/web/20140518141337/http://www.comunecrema.it/sviluppo/public/upload/File/FDMuseo/Insula_Fulcheria_XLI_2011/Crema_una_vocazione_musicale.pdf|dataarchivio= 18 da [[magg]] dal 2014|urlmorto= sì}}
* {{cita web|url= http://archiviostorico.laprovinciacr.it/storico/|titolo= Archivio del quotidiano La Provincia|accesso= 18 da [[magg]] dal 2014|cid= laprovincia|urlmorto= sì|urlarchivio= https://web.archive.org/web/20140521094056/http://archiviostorico.laprovinciacr.it/storico/|dataarchivio= 21 da [[magg]] dal 2014}}

[[Categoria:Gese de Crema]]
[[Categoria:Gese de la diocesi de Crema]]