Blòcch (meteorologia)
In meteorologia a se definìss situazion de blòcch, o domà blòcch[1] la situazion che el fluss zonàl, o ben la el propagàss di perturbazion (Atlantich o Pacifich) de ovest vèrs èst, menàd di corrent occidentaj al’è fermàa de on fluss fòrt e persistent caosàa de on anticiclon, ciamàa anticiclon de blòcch. Quèj corrent chì hinn meridional in del emisfero boreal e settentrional in del Emisfero austral. A gh’è la situazion de blòcch quand che va velocità del propagàss di ond del Rossby a l’è nagòtt (C=0). In quèlla situazion chì i anticiclon de blòcch e i gott frègg tenden a sta in sui stèss territòri con temp meteorològich eguàl in del cors del temp. [2]
Tipi de blòcch
[Modifega | modifica 'l sorgent]
Blòcch a òmega
[Modifega | modifica 'l sorgent]El blòcch òmega a l’è la figura che la regorda la lèttera greca òmega (Ω) a l’è fada su de on promontòri anticiclònich in mèzz infra dò insaccadur clicònich. [3]
Blòcch rex
[Modifega | modifica 'l sorgent]El blòcch rèx a l’è fàa su de on promontòri anticiclònich arent a on’insaccadura de origin polar piazzàda a èst rispètt al promontòri. [4]
Blòcch a dipòl
[Modifega | modifica 'l sorgent]El blòcch a dipòl a l’è fa su de on promontori anticiclònich a nòrd arent a on’insaccadura ciclònica a sud. [5]
Blòcch a anèll
[Modifega | modifica 'l sorgent]A l’è on poo el contrari de l’òmega, a l’è fàa su de ona insaccadura longa e strèccia schisciada infra dù promontòri anticiclònich. [6]
Blòcch con fluss spartii
[Modifega | modifica 'l sorgent]El succed quan che on anticliclonich el forma on massim segondari, e inscì el se spartiss in du part. El fluss de la corrent a gètt inscì el se spertìss in du ramm. [7]
Riferiment
[Modifega | modifica 'l sorgent]- ↑ Blocco 2 in Dizionario delle Scienze Fisiche (1996), su Treccani.it
- ↑ Gabriele Formentini (2009). Temporali e e Tornado (in italian). Alpha Test, 279. ISBN 978-88-483-0992-9.
- ↑ Gabriele Formentini (2009). Temporali e e Tornado (in italian). Alpha Test, 280. ISBN 978-88-483-0992-9.
- ↑ Gabriele Formentini (2009). Temporali e e Tornado (in italian). Alpha Test, 281. ISBN 978-88-483-0992-9.
- ↑ Gabriele Formentini (2009). Temporali e e Tornado (in italian). Alpha Test, 282. ISBN 978-88-483-0992-9.
- ↑ Gabriele Formentini (2009). Temporali e e Tornado (in italian). Alpha Test, 282. ISBN 978-88-483-0992-9.
- ↑ Gabriele Formentini (2009). Temporali e e Tornado (in italian). Alpha Test, 283. ISBN 978-88-483-0992-9.