Battaja de Pavia (271)
La Battaglia de Pavia l'è stada combattuda in del 271 tra l'esercit roman de l'imperador Aurelian e i Alemann: el sconter l'è resultaa ona vittòria romana.
La battaglia combattuda a Pavia l'è stada la terza e ultima del sconter tra Roman e Alemann dòpo l'invasion barbara de l'Italia del 271. I Alemann eren staa battu a Fan, in di March, e ora eren dree a scappà longh la via Emilia, menter l'Aurelian ghe correva adree.
L'Aurelian l'ha fermaa la soa ritirada de lor arent a Pavia e là finalment l'è riessii a battei del tutt, cont el trà giò l'esercit intregh. I Alemann che hinn minga mòrt hann formaa vari grupp piscinitt, che però hinn staa tucc battuu de l'imperador.
Per questa soa vittòria l'imperador Aurelian el gh'ha avuu el titol de Germanicus Maximus. A bon cunt, la paura che aveven portaa a Roma i Alemann (paura che l'è tornada a fàss sentì anca vint ann dòpo) l'ha spingiuu l'Aurelian a la costruzion a Roma di mur che pòrten el sò nòmm.
Bibliografia
[Modifega | modifica 'l sorgent]- Watson, Alaric, Aurelian and the Third Century, Routledge, 2003, ISBN 0-415-30187-4, p. 52.