Apple IIc

Quest articol chì l'è scrivuu in lombard, grafia milanesa.

L'Apple IIc a l'è staa el quart modell de Apple II, caratterizzaa de 'na volta trasportabilità. L'è staa venduu dal 1988 per 1'295 $.

Storia

El sistema a l'è staa presentaa a 'na conferenza ciamada "Apple II forever", fada per garantì la continuazion del progett Apple II dòpo del Macintosh.

A l'éra sostanzialment on Apple IIe faa pussee piscininn e cont men espandibilità per vèss men pesant e costos.

A l'è staa el primm Apple a doperà el stil Snow White.

Caratteristich

L'Apple IIc a l'è pensaa 'me sistema trasportabil, ossia che 'l se pò menà fazilment de 'n pòst a l'alter.

El gh'aveva l'Applesoft BASIC cont el support per letter maiùscol e minùscol, e 'l giontava i caratter MouseText cont di icon per i programma.

L'equivalent de cinch sched de espansion a eren integraa in del computer: Vuna per i dischett, la Extended 80 Column Card, du Serial Card e vuna per el mouse.

Specifich

CPU: WDC 65C02 a 1.023 MHz cont bus a 8 bit
RAM: 128 KB
ROM: 32 KB

Accessori

Monitor portatil

El Apple Flat Panel Display a l'éra on monitor a 1 bit (bianch/negher) faa per fà el sistema pussee trasportabil. A bon cunt a l'éra no proppi portatil perchè l'éra mìnga taccaa stabiliment, ma l'éra comod se 'l gh'era nò on monitor a la destinazion.

El sistema però l'éra gramm de legg perchè retroinluminaa no: Di àlter LCD retroinluminaa han faa pussee success.

Àlter accessori

Per i utent desktop la Apple la vendeva on monitor 9" a scala de gris o a 14" a color, e 'l gh'era anca on alter floppy disponibil.

Accessori minga offiziai

Gh'eren di accessori cont di batterij recaricabij per doperàll in mobilità e eren anca venduu di adattator per alimentàll del pizzasigar di auto.

Eren venduu anca di sched cont di espansion de memoria , di Real Time Clock, di processor pussee potent o cont pussee cache, che necessitaven però de modifegà la motherboard.

Riferiment

Apple IIc - Computer Museum

Alter progett

Wikimedia Commons el gh'ha dent imagin o alter archivi su Apple IIc

Vos correlaa