Codes sorgent per Al Camònega

{{Modell:LORI-AC}}
[[Image:Mappa fisica della Valle Camonica (Luca Giarelli).jpg|thumb|290px|Téra de Al Camonega]]
La '''Al Camònega''' l'è giöna de le ài piö grànde de le [[Alpi]], l'è longa presapóch 90 kilòmetri e 1347 km² de superfìce. La cumìncia en corespondènsa de la [[Córna Trentapas]] de le bànde de [[Pizògne]], endèla part setentriunàla del [[lach d'Izé]], le la fenés al [[Pas del Tonal]], a 1883 méter sura 'l leèl del mar. El sò teretóre l'è per entréch sota la regiù de la [[Lombardìa]], dividìt 'ntra le pruvìnce de [[pruvincia de Bresa|Brèsa]] e [[pruvìncia de Bèrghem|Bèrghem]] (apéna i cümü de [[Rògn]] e [[Còsta Ulpì]])

La àl l'è streersàda de 'nsìma a 'n fónt del fiöm [[Òi]], che 'l nàs endèl teretóre del cümü de [[Put de Lègn]], en corespondènsa de la conflüènsa dei torèncc [[Frigidolfo]] e Nacanèl e che 'l fùrma el [[Lach d'Izé]] endóche 'l se sböta 'ntra ii cümü de [[Pizògne]] e [[Còsta Ulpì]]. La sìma piö àlta l'è 'l mut [[Adamèl (mut)|Adamèl]], che 'l rìa a  3.539 méter sùra 'l leèl del mar.

Se pöl spàrter el sò teretóre en tré zòne:<ref>Lino Ertani, ''La Valle Camonica attraverso la storia'' - Tipolitografia Valgrigna. [[Ézen]], 1996 - pàgina 13</ref>
* Bàsa àl: 'na zòna piàna, con cios e pàscoi, che la àmbia en corespondènsa del có del lach e la rìa 'nfìna a [[Bré]]. En chèst 25 km la àl la g'ha 'na larghèsa média 'ntra i 2,5 e i 3 km, e l'è la part piö popolàda.
* Média àl: delimitàda a mesdé de la culìna che gh'è 'ntra [[Bré]] e [[Siidà]] e a nord la rìa 'nfìna a [[Édol]]. En chèsta part la larghèsa média de la àl l'è de presapóch en chilòmetro e l'è longa presapóch 30 km. Sö le còste dei mucc de le dò bànde gh'è tate frasiù picinìne che s'è furmàt söi terasamèncc a mèza còsta.
* Alta àl: de [[Édol]] enfìna al Pas del Tonàl, sitüàt endèl teretóre de [[Put de Lègn]] e che pórta 'nver la Val di Sole, en Trentì. Lónga 25 km l'è 'n teretóre con tacc pàscoi alpì e sìme che pàsa i tremìla méter. L'è colegàda apò a la Al Telìna per mès suradetöt del Pas de l'Aprica e del Pas del Mortiröl.

La Àl Camònega, en àmbet cültüràl, l'è cunusìda per le sò inciziù rupestri che i è stàde pò a deciaràde patremóne de l'[[UNESCO]].


==Cuurdinade==
{{coor dms|46|00|27|N|10|20|51|E|region:IT_type:landmark}}
==Referimèncc==
<references/>
==Oter progècc==
*{{commons-inline|Val Camonica}}
*[http://www.intercam.it/tomo/paesi/darfo/darfo.htm Toponomàstega de la Al Camònega (cümü de Darf)]

== Ùs curelade ==
*[[Rivoeulte in Vall Camonega]]

{{Comü dela Al Camonega}}

[[Categoria:Vall Camonega]]
[[Categoria:Provincia de Bressa]]