Lèngua Aka-Kora

De Wikipedia
(Rimandad de Aka-Kora)

Chest artícol a l'è scricc in Lumbàrt, ortograféa orientàl unificàda.


I lèngue di Andamane
Confrónt tra la distribusiù di tribù di andamanés tra ìl prensépe del méla e òt (1800) e ‘l prensépe del 2004. Gh’è de regordà che tra ‘l 1789 e ‘l 1793 i s’è spopolàt i teritòre urignàre di Jarawa che po’ i s’è spostàcc in pòscc bandunàcc da i Grand Andamanés sö la còsta a sira (ovest); la s’è estìnta la lèngua Jangil dal 1931; l’ rèsta póch o negót de i lèngue de i dés lèngue di pòpoi Grand Andamanés; dóma ‘l tòch de la lèngua Sentinelese l’è restàt chèl che l’éra.

La lèngua Aka-Kora o adóma Kora o ach Khora l’è öna lèngua setentriunàla di Grand Andamane, ün arcipélach de ìsole ‘ndiane ‘n del gólf del Bengala.

La lèngua Aka-Kora che l’è ‘ndàcia perdìda, dezà che gh’è piö nisü che l’ la parla, de fati l’öltìma persona che l’éra buna de parlàla, Boro, l’è mórta in del Noèmber del 2009.

La paròla Aka, al prensépe del nòm de la lèngua, l’è ü prefìs cümü a i nòm di lèngue e l’è dovràt in töte i Grand Andamane[1].

La lèngua Aka-Kora l’èra öna di 10 lèngue parlade dal pòpol di Grancc Andamanés, pòpol che se pènsa l’abie abitàt chèste ìsole da piö de 65.000 agn; i éra 'n 5.000 quando in del 1858 i è riàcc i Inglés, menimà 'n del 2010 i n’éra restàcc dóma 52.

Ol còdes Iso[Modifega | modifica 'l sorgent]

Ol còdes Iso de la lèngua Aka-Kora l'è ISO 639-3: ack.

I lèngue di Andamane[Modifega | modifica 'l sorgent]

Lèngue andamanéze magiùre (10)

del setentriù (4)

del mès de l’arcipélagh (6)

Lèngue andamanéze meridiunàle (3)

Referènse[Modifega | modifica 'l sorgent]

  1. Temple, Richard C. (1902). A Grammar of the Andamanese Languages, being Chapter IV of Part I of the Census Report on the Andaman and Nicobar Islands. Superintendent's Printing Press: Port Blair.