Codes sorgent per Affer

{{MILCLASS}}
{{sbozz|grafia=MILCLASS}}
[[Archivi:Milano - chiesa di Santa Giustina.jpg|miniatura|El center de Affer.]]
'''Affer''' (o '''Affor'''<ref>Dante Olivieri, ''Dizionario di toponomastica lombarda: nomi di comuni, frazioni, casali, corsi d'acqua ecc. della regione lombarda, studiati in rapporto alla loro origine'', ed. Famiglia Milanese, 1931</ref>, in [[Lengua italiana|italian]] ''Affori'') a l'è on quarter de Milan, che 'l se troeuva in del [[Municipi 9 (Milan)|Municipi 9 de la cittaa]]. A l'è staa on comun indipendent finna al 1923.

== Stòria ==
=== Origen ===
Affer a l'era on ducaa antigh, gemò citaa in di ''Statutt di acqu e di strad del contaa de Milan faa in del 1346'' (in doe 'l compariss compres in de la [[piev]] de [[Bruzzan]]). De l'abitaa antigh hinn restaa di tracc medievaj e renassimentaj comè la [[torr]] de guardia in via Osculati (de [[Sécul XIV|secol XIV]]), che la faseva part del compless de l'antiga gesa de Santa Giustina. El coeur principal del borgh a l'era pasmà la zona che la se troeuva intra la via Taccioli e la via Cialdini. Al temp chesta strada a l'era segondaria rispett a alter do vii pussee important (faa-sù al temp di roman) che giontaven [[Milan]] cont [[Còmm]]: l'incoeu ciamada via [[Bovisasca]], fada per el trafegh militar, e la via Giuditta Pasta che la corr arent a [[Bruzzan]], fada per el traffegh civil. L'importanza segondaria de la strada l'ha condizionaa el desvilupp e l'importanza del borgh de Affer, che l'è restaa a longh "in ombria", e 'l dependeva di center abitaa arent a lù. Chell aspett chi el s'è riflettuu anca in de la vitta ecclesiastega de Affer che, in manera minga usual, a l'era dividuu enter duu [[Piev|pleban]]: vuna ai dipendenz de la [[piev de Bruzzan]], l'altra a quej de [[Piev de Bollaa|Bollaa]]. Intorna a la finn del [[secol XIII]], segond quant scrivuu del [[Goffred Da Bussor]] in del ''[[Liber notitiae Sanctorum Mediolani]]'' del [[1285]], el territòri de Affer el cuntava vott ges, cinch di quaj dipendeven de la piev de Bruzzan e tre da chella de Bollaa.

L'economia de l'area l'era principalment [[Agricoltura|agricola]], cont tant cassin che doperaven tutt l'ann l'acqua di [[fontanil|fontanij]] per la [[dacquada]], inscì che 'l se podeva fà ona coltura a marscida. Comun a l'era anca la coltura di [[moron]], incoraggiada in del contaa milanes di [[Sforza]] e soratucc del [[Lodovigh el Moro]], e donca l'allevament di [[cavalee]].

=== Dal sescent a inizzi noeuvcent ===
[[Archivi:Milano - IGM, carta di manovra (1878), dettaglio 02.JPG|miniatura|I duu center storegh de Affer e [[Bruzzan]], sora la Carta de Manòvra de l'[[Istitutt Geografigh Militar|IGM]] del [[1878]].]]
In del [[1686]] el Pier Paol Corbella a l'è deventaa prima feudetari de Affer e poeu [[marches]] del [[feud]] istess, compraa da la fameja nobila di Rossi de [[Parma]]<ref>Enrico Casanova, Dizionario feudale delle province componenti l'antico stato di Milano all'epoca della cessazione del sistema feudale (1796), Forni, Bologna, 1904</ref>. Luu ha compraa on gross teren sora el qual a gh'eren i ruinn de la villa de l'arcivescov [[Gioann Visconti (arcivescov)|Gioann Visconti]], costruida in del [[1350]], per fà-sù ona noeva villa, ciamada al temp ''Villa Corbetta'' e incoeu ciamada ''[[Parch de Villa Litta|Villa Litta]]'', zintada d'on grand parch (pussee grand de chell d'incoeu), destinada a deventà on louegh de randevô per la nobiltaa milanesa. La villa a l'era doperada anca comè residenza per l'estaa: on temp Affer a l'era ona localitaa di vileggiatura per chi voeureva lontanass da Milan. La villa a l'è poeu passada a ''D'Adda'', e dopo ai ''Litta''. Sparii i Corbella senza descendenza in del 1767, el marchesaa a l'è passaa in ereditaa al cont Francesch d'Adda, II Marches de San Gioann de Pomesana e VI Cont de Saa, nevod e ered del marches Luis Corbella, e a l'è finii in del 1779, cont la mòrt de luu senza ered<ref>Casanova</ref>.

El borgh de Affer a l'è intraa donca semper pussee in contatt cont la cittaa, e l'economia ha scominciaa a girà attorna a la villa, per produzion minga domà agricola ma anca artigianala. Tutavia la segondarieaa e dependenza de Affer respett ai zon aproeuf a l'è sugutada fin ai secoli [[Sécul XVIII|XVIII]] e [[Sécul XIX|XIX]], inquand, intanta che la gh'era la [[Republega Cisalpina]], a s'è deciduu de fa-sù ona strada noeuva e pussee moderna a travers Affer. La s'è stravaccada inscì la situazion de prima, e l'importanza de Affer a l'è cressuda e a l'è deventaa el center principal de la zona, tant che in del [[1805]] a gh'eren gemò squas i mill resident<ref>987 abitanti al censimento di quell'anno.</ref>.

El 9 de fevree [[1808]], el [[comun]] de Affer, cont alter trentaquatter, a l'è staa unii a chell de [[Milan]]. Tutavia chesta union chì a l'è stada curta: el ritorna del domini [[Impero auster-ungarigh|auster-ungarigh]], che ghe piaseva minga ona grada Milan comè potenziala concorent de [[Viena]], ha sanzionaaa anmò la separazion in del [[1816]].<ref>Notificazion 12 fevree [[1816]]</ref> Sòtta el costos, ma efficient govern [[austria]]gh, la popolazion a l'è esploduda: 2.118 abitant in del [[1853]],<ref>[http://www.lombardiabeniculturali.it/istituzioni/schede/8012377/?view=toponimi&hid= Comun de Affer ]</ref> 2.243 al passagg sòtta la sovranitaa [[italia]]na. In seguit, in del [[1869]], Affer, [[Bruzzan]], [[Bress]] e [[Derghen]] hann formaa insemma el comun d "Affer e unii" cont 6.514 resident<ref>[[Regio Decrett Legg]] n°4790 del 24 desember [[1868]]</ref>, ma gemò in del [[1884]] [[Bress]] a l'è tornada a vess comun di per lù<ref>[[Regio Decrett Legg]] n°2570 del 3 agosto [[1884]]</ref>. El 14 de agost [[1912]] la denominazion del comun a l'è tornada a vess pussee semplizement "Affer".

=== Noeuvcent ===
La progressiva [[industrializzazion]] de [[Milan]] ha portaa a l'esplosion demografega di abitaa aproeuf, comè Affer che gh'aveva 20 mila abitant a la fin de la [[Granda guerra]]; però, besognava de pussee spazzi per i stabiliment e i lavorador, tant'è che i rapòrt enter la cittaa e paes attorna a s'hinn faa semper pussee strett. La metropoli la gh'aveva besògn minga domà de spazzi noeuv, ma anca de regolamentà i servizzi, che vegneven doperaa anca di abitant di paes attorna, esentuaa tutavia di sò [[tass]] de mantegniment (pagaa domà di cittadini [[milan]]es). Chest fattor hann portaa a stabilì in del [[1917]], sòtta l'amministrazion de l'[[Emili Caldara]], l'[[comun inglobaa a Milan|annession]] a [[Milan]] di comun taccaa, anca se ha suscitaa resistenz e sghicc, comè la preoccupazion che i abitant di paes, che a eren anmò di paisan, gh'aveven de toeu i costumm di abitant de la cittaa. In del [[1923]] el comun de Affer a l'è staa anmò inglobaa al [[Milan|comun de Milan]], insiemma a alter des comun<ref>[[s:R.D. 2 settembre 1923, n. 1912 - Aggregazione al comune di Milano di undici comuni contermini|Regio Decreto 2 settembre 1923, n. 1912, art. 1]]</ref>.

Al temp istess, inquand el nobel Gioann Litta Modignan in del [[1905]] a l'è moruu, la [[Parch de Villa Litta|villa Litta]] a l'è passada a l'amministrazion provinciala e, dal [[1927]], al [[Milan|Comun de Milan]]. In del [[1939]] in del [[Parch de Villa Litta]] a hinn staa traduu i numeros abitant di baracch che gh'eren in di periferii de Milan, oltra ai ferii di bombardament del [[1943]]. I abitant de Affer ciamaven, in sens dispregiativ, chest rifugiaa chì cont el termen ''baion'' cioè abitant de la ''baia''. Inquand a hinn staa faa-sù i noeuv cà popolar in di quarter de la [[Comasina]] e de [[Ninguarda]], tant ocupant de la villa a hinn staa traduu. Nonostant i perdit, i daneggiament di oper d'art (comè chella di ''I Sirenei'' e de on'antiga cancellada del [[Sécul XVIII|settcent]], traduu poeu a villa Clerici a [[Ninguarda]]), e mudament d'on quaj tocch de on vecc giardin a l'ingles, faa su dal cónt [[Ercole Silva]], la villa e 'l [[Parch de Villa Litta|sò parch]] caraterizzen anmò el confin occidental del quarter.

I mudament industriaj e 'l sgrandiment territorial de Affer comportaven maggior necessitaa de servizzi de traspòrt: ona prima resposta a l'è staa la costrusion de la [[Ferrovia Milan-Ass|linia ferroviaria Milan-Erba]] di [[Grupp FNM|ferrovij Nord Milan]] in del [[1878]], cont [[Locomotiva a vapor|trazion a vapor]] sora on binari unegh. El percors de la linia gh'ha comportaa el taj de l'antigh vial d'access a la ''[[#Monument e loeugh d'interess|Villa Litta]]''. Si come andava a travers ona zona densament popolada e a carater operari, gemò dal principi a l'era ona linia doperada comè e donca, in del [[1909]] i ''ferrovij Nord'' gh'hann parponnuu on progett per redobbià a duu binari tuta la linia, cont on terz binari in de la banda [[Bovisa]]-Affer per servì i tant stabiliment che gh'eren in chestaa zona chì. El s'ciopp de la [[prima guerra mondiala]] ha ritardaa el progett, e donca l'inaugurazion del segond binari enter la Bovisa e [[Vared]] a l'è staa domà faa el 6 de fevree [[1928]]. El primm de luj de l'ann istess la [[Fermada ferroviaria|fermada]] de Affer a l'è deventada de bon ona [[Stazion ferroviaria|stazion]], insemma a chella de [[Stazion de Cesan Madernu (1879)|Cesan Madernu]]. Intant in del [[1882]] a l'era intrada in funzion anca ona linia di [[Tram#I Primm línii|tram a cavaj]] che la conligava [[Porta Volta]] cont Affer fin a ''La Pianta'', longh el percors Via Farini—Via Rossi—Via Astesani. Per volontaa de l'Emili Osculati, direttor de ''Omnibus Vettura'' e responsabel di strapòrt publegh milanes per squas trent'agn, a l'è staa anca faa-sù on grand stabiliment per el riforniment de [[paja]] e [[foragg]] per i cavaj, sora ona superficia de squas 5.000 m<sup>2</sup> pasmà el Vial Affer, dent el parch de ''Villa Osculati''. In del [[1898]] la trazion a cavaj a l'è stada sostituida da vittur elettrigh de l'[[Edison]]<ref>Luigi Ripamonti. La storia di Affori. op. cit., capitolo "Trasporti, viabilità, urbanistica, abitazioni", a sua volta basato su Mariani A. e Stelluto A. "Riqualificazione del Borgo di Affori" e su "Soc. An. degli Ominibus di Milano - sunto dal 1862 al 1888"</ref>.

Stòria, [[topografia]], aspett de la vitta de tucc i dì de Affer a hinn cognossuu grazie a raguagli scrivuu di [[curad]] de Affer, e in particolar dal Lisander Astesani ([[Fagnan]], [[14 de luj]] [[1762]] - Affer, [[18 11|18 de november]] [[1831]]; sazerdòtt, scrittor, archeologh)<ref>Luigi Ripamonti. La storia di Affori. op. cit.</ref> I primm datt ora la popolazion a hinn del [[1751]], ann in del qual gh'eren circa 550 anem,<ref>[http://www.lombardiabeniculturali.it/istituzioni/schede/8010008/?view=toponimi&hid= Lombardia Beni Culturali ]</ref> menter in del [[1771]] ghe n'eren 857.

L'effett de l'inglobazion dent el tissuu metropolitan el se pò vedè se se varden i mudament de la ''Villa Vergani'':
<gallery>
Milano, Villa Vergani 01.jpg|''Villa Vergani'' ad Affori all'inizio del [[Novecento]], era ancora un ristorante.
Milano, Villa Vergani 02.jpg|''Villa Vergani'' qualche anno più tardi, non più ristorante.
</gallery>

=== Origen del nòmm ===
Ona corrent etimologeca la pensa che 'l nòmm "Affer" el riva da ''Ad forum'', che podaria indicà la presenza d'on antigh [[mercaa]]<ref>Pierino Boselli, ''Toponimi lombardi'', Milano, SugarCo, s.d. [1977], p. 19 ''s.v.'' "Affori"</ref>. Segond alter el riveria, invece, da la presenza e dal ben d'acqua (''Ad fontem'', a la font) dada di fontanij, ipotes che la gh'ha on quaj valor per l'antigh nòmm ''Affoni'' per indicà el paes<ref>Luigi Ripamonti. La storia di Affori. op. cit., sezione "Perché Affori" (pag 19-23)</ref><ref>Pierino Boselli, Ivi.</ref><ref>La più antica menzione di ''Affori'' risale al [[915]], nel "''Codice Diplomatico Longobardo''" (colonna 796/d) in cui si legge "''Signum manus Ambrosii de loco Affoni''. In un atto di compravendita del 1006 si cita una certa persona, Pasquale detto anche Aminzone come figlio di Magnefredo del "''luogo di Afoni''". E in un documento del 1214 è citato un certo Rugerium de Afori. Il nome di Affori compare in altre fonti più antiche ''vico Afori'' (1009), ''loco et fundus Avori'' (1019): ''locus Afori'' ([[XIII secolo]]). Potrebbe essere connesso con il nome proprio ''Afer'' attestato in un'antica lapide milanese in [[lingua latina|latino]] ([[Corpus Inscriptionum Latinarum|CIL]] V, 5864). L'alternanza ''-r/-n'' rilevata nelle trascrizioni ''Afori/Afoni'' sembra puntare a una realizzazione [[dialetto milanese|dialettale]] di tipo ''Affer/Affen'', analoga a quella che si riscontra nei nomi di persona ''Cristoffer/Cristoffen'' o ''[[Melchiorre]]''/''Marchionn''</ref>. On'altra ipotes la resguarda l'origen de l'espression latina medievala ''Sancta Iustina a foris'' ("Santa Giustina de foeura") per indicà la gesa, intendend "foeura de Milan" per distinguila da on'altra Santa Giustina ([[Altar|altar]] de l'antiga gesa de [[Sant Agata]] a [[Milan]] pasmà [[Porta Romana (Milan)|Pòrta Romana]]). "''Foris''" donca comè "al de foeura", e minga domà da la cittaa veggia zintada di mur roman ma anca da la "''Cerchia di [[Corp Sant (MI)|Corp Sant]]''" (i paes subet taccaa a Milan); el termen, contratt in "''ad forem''", poeu deventaa "Affer" o "Affori", in [[Lengua italiana|italian]], el gh'ha scomiciaa a indicà, poeu, el borgh attorna a chesta gesa.

Da rilevà che el toponem ''Affor'' a l'è attestaa anca comè nòmm d'ona cassina de [[Boffalòra (MI)|Boffalòra]], e 'l par ligaa cont on [[cognòmm]] inguaa, spantegaa in de la zona<ref>Boselli 1977, ''loc. cit.''</ref>.

== Monument e loeugh d'interess ==
[[Archivi:Villa Litta.jpg|miniatura|[[Parch de Villa Litta]].]]
I loeugh de pussee grand interess a hinn:
* La biblioteca ''Affori'', ridervida al publegh in del [[2006]] dopo on longh restaur; la conserva on patrimoni librari de pussee de trentamila volum e grand sezion dedicaa a la letteratura per i giovin;
* [[Parch de Villa Litta|Villa Litta]]: la villa e 'l [[Parch de Villa Litta|sò parch]] a hinn duu di loeugh pussee carateristigh del quarter. A gh'hann ona superficia de oltra 80.000m <sup>2</sup>, 3.000 m<sup>2</sup> di quaj a l'avert<ref>Dati tratti da: Luigi Ripamonti, "La Villa Litta di Affori", ''ABC-Il giornale di Milano Nord. Zona 9'', anno 13, n° 2, febbraio 2007, pag. 12 [http://www.abcmilano.net/new_file/feb07.pdf (testo in pdf)]</ref>;
*[[Gesa de Santa Giustina (Milan)|Gesa de Santa Giustina]] denter la qual la gh'è on quader che 'l someja comè a la ''[[La Vergin di Rocc (Leonard)|Vergin di rocc]]''<ref>{{cita libro|Luigi|Ripamonti|La Vergine delle Rocce di Affori : una storia di 500 anni|1998|La buona parola|Milano}}</ref> del [[Leonard da Vinci]], che a l'è probabel che a l'è staa pitoraa, in del period istess, da l'[[Ambroeus de Predis]] sora la prima version del dipint. Dent la gesa el gh'è anca l'orghen ''Amati'', che prima el se troeuvava in del [[Domm de Pavia]];
* Cà de ringhiera di "quatter magnolii" che la se troeuva in Via Pellegrino Rossi numer 83, e che l'è on bell esempi de architettura di primm agn del [[Sécul XX|secol XX]], impreziosida da quatter magnolii secolar che se troeuven denter la cort.

== Cultura ==
=== Musega ===
Affer a l'è sed del "Corp Musical Gaetano Donizetti", pussee cognossuu cont el nom de "La Banda d'Affer", fondaa in del [[1853]] e recordaa per la canzon dialettala milanesa "''Il tamburo della banda d'Affori''" del [[1942]], cont paroj del [[Nino Rastelli]] e del [[Mario Panzeri]] e musega del [[Nino Ravasini]], che a l'è famosa per el sò ritornell:
{{Citazione|L'è lù l'è lù, sì sì l'è propi lù: / l'è il [[Tambur maggior|tamburo principal]] della banda d'Affori, / Che comanda cinquecentocinquanta pifferi}}
In tant hann veduu, in del ritornell, on'allusion al fassism (cincentcinquanta a l'era squas el numer di component de la [[Camera di Fasci e di Corporazion]]), e donca el motivett el gh'ha avuu on grand spantegament in di ambient [[Antifassism|antifassist]].

== Personn ligaa a Affer ==
* [[Giusepp Molteni]] (Affer, 1800 – Milan, 1867), pitor
* [[Lisander Astesani]] (Fagnan, 14 de luj 1762 - Affer, 18 de november 1831), sazerdòtt, scrittor, archeològh
* [[Filipp Migliavacca]] (Affer, 13 de settember 1829 – Merì, 20 luj 1860), patriòta
* [[Ambroeus Annoni]] (Affer, 16 de agost 1882 – Milan, 1954), architett
* [[Gaetan Osculati]] (San Giorg al Lamber, 25 de ottober 1808 - Milan, 14 de marz 1894), esplorator e naturalista<ref>[http://ascoart.weebly.com/afforesi-illustri.html Afforesi illustri e benemeriti]</ref>

== Infrastruttur e strapòrt ==
[[Archivi:Affori Centro MM.JPG|miniatura|Stazion de la metropolitana de [[Affer Center (metropolitana de Milan)|Affer Center]].]]
Affer a l'è conligada al center de Milan cont la [[Linia M3 (metropolitana de Milan)|linia M3 de la metropolitana]] (fermaa de [[Affer Center (metropolitana di Milano)|Affer Center]] e [[Affer Nòrd (metropolitana di Milano)|Affer Nòrd]]) e cont i tren di lign S2 e S4 del [[Servizzi ferroviari suburban de Milan|servizzi ferroviari suburban]] e da la [[Strapòrt a Milan#Servizzi ferroviari regionaj|linia regionala]] [[Stazion de Milan Cadorna|Milan]]-[[Ass]] de [[Trenord]] (che a fermen in de la [[Stazion de Affer|stazion ferroviaria de Affer]]). El servizzi de la metropolitana a l'è sostituii da on servizzi di corrier in di nòcc.

El quarter a l'è, olter, conligaa cont i quarter visin, comè [[Bruzzan]], la [[Bovisasca]], [[Derghen]], [[Ninguarda]] putost che [[Novaa (MI)|Novaa]], cont i lign de corrier de l'[[ATM (Milan)|ATM]]. Chì 'l corr anca la linia interurbana che la conliga Vial Zara a [[Cesan Madernu]] e [[Cantuu]].

Fin al [[2011]] el [[Tranvia Milan-Limbiaa|tram interurban Milan-Limbiaa]], gestida da l'ATM, el gh'aveva el sò capo-linia a Affer in Via Vincenzo da Seregno. Incoeu la linia el gh'ha el sò capo-linia a la [[Comasina (Milan)|Comasina]].

La "strada inter-quarter nòrd a l'è dree a vess fada-sà e la conlighera, cont on percors ovest—est, i quarter de la parte settentrionala de Milan ([[Quart Oggiee]], la Bovisasca, Affer, Ninguarda, [[Precott]] e 'l Quarter Adrian). El tocch che 'l passa per Affer el minaccia de compromett on tocch del Parch di Favol; tutavia el fà su de la strada chì gh'ha traa evident problemm de viabilitaa e d'inquinament, comè per esempi de sostituì i [[passagg a livell]]<ref>[http://www.02blog.it/post/5890/gronda-nord-cantiere-e-lavori-in-corso-in-via-cascina-dei-prati Gronda Nord, cantiere e lavori in corso in via Cascina dei Prati<!-- Titolo generato automaticamente -->] {{Webarchive|url=https://web.archive.org/web/20160304115447/http://www.02blog.it/post/5890/gronda-nord-cantiere-e-lavori-in-corso-in-via-cascina-dei-prati |date=2016-03-04 }}</ref>.

== Bibliografia ==
* {{cita libro|nome=Luigi|cognome=Ripamonti|titolo=La storia di Affori|anno=1995|città=Milan|editore=La Buona Parola, Periodico della Parrocchia di Santa Giustina, Milano (Affori)|}}

== Nòt e alter progett ==
{{commons|Category:Affer}}
<references/>

== Ligamm de foeura ==
* {{cita web|http://www.labandadaffori.it/|Sito ufficiale della Banda d'Affori}}
* {{cita web|http://www.lombardiabeniculturali.it/istituzioni/toponimi/8000002/|Scheda sulle istituzioni civili e religiose di Affori nella storia}}
* {{cita web|http://www.mapp-arca.it/|Sito del Museo d'Arte Paolo Pini - MAPP}}

{{Quarter de Milan}}

[[Categoria:Vegg comun de la provincia de Milan]]
[[Categoria:Afer|*]]
[[Categoria:Comun de la Piev de Bruzzan]]