Vijan

Quest articol chì l'è scrivud in lombard, con la Noeuva Ortografia Lombarda

Vijan (nom ofizzial italian Vigliano) a l'è una frazzion del comun milanes de Medija, vesina al comun de Pantijaa.

In del 1751 ghe viveven 153 persone e in del 1757 ghe vegn tacada la frazzion de Saresan. In del 1805 gh'eren 179 persone. A l'è stad un comun deperlu in fina al 1809, quand che 'l vegn ligad a quell de Bustighera, che 'l vegn tacad al comun de Medija in del 1811. In del 1816, cont el Regn Lombard-Venet, Vijan e Bustighera tornen a vesser indipendent, ma in del 1841 Vijan el vegn ligad di austriegh al comun de Mercugnan, che 'l vegn tacad in del 1869, in manera definitiva, al comun de Medija.

El comun el faseva part de la Piev de San Giulian, defad el gh'era l'Oratori de la Purifegazzion de la Maria Vergin, edifizzi che gh'è an'mò incoeu.

El nom

Vijan, atestad in di document antigh 'me Vaiano e Vaianello, el podaria vegnì del latin Valianum, agetiv derivad del nom de persona Valius o Vallius. Segond un'oltra ipotesi, derivada del vegg nom Vigilianum documentad in del secol XI, el podaria vegnì del nom de persona Vellidius, o Vigilius.

Ligam de foeura

• Vijan in su LombardiaBeniCulturali

Bibliografia

• La Chiesa Parrocchiale di Triginto - Mediglia: Una Chiesa il suo popolo e la sua storia, Rinaldo Perversi, Mediglia, 1995
• Storia di Mediglia, Sergio Leondi; dtampato da Roberto Gradella, Peschiera Borromeo, 2011