Vetüra
De Wikipedia
Una vetüra o utumòbil, ciamada de suvent màchina, l'è un mezz de trasport a mutur per el trasport di personn.
[Mudifega] Descrizion generala
De solit, i vetür i gh'han tri spazzi, ciamaa anca vulüm: la gabina (per l'autista e i passeger), el baül per i valis e 'l còfen del mutur. Ognidön de 'sti sit chì el pö vess metüü pü o men in evidenza dal disegn de la caruzerìa.
El nümer di sedil el varia da dü a növ, cumpres quel de l'autista.
[Mudifega] Mudel
[Mudifega] Berlina
Int la berlina, la gabina e al baül i cumünichen mia intra de lur, e donca i gh'hann du entrad separaa. De solit la gh'ha alamanch dü finestrin per banda e quater purtier. La gh'ha quater o cinch post de setass, distribüii ins du righ.
La berlina l'è anca ciamada "caruzeria tri vulüm".
