Val Pos'ciav

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
La Val Pos'ciav

La Val Pos'ciav (pr: Vàl Pusc'ciáaf, Val Poschiavo in Italian; Val Puschlav in Romancc; Puschlav, u anca Poschiavotal in Todesch) a l'è ona vall svizzer-italiana. La pu part del sò territòri el se troeuva in de la Confederazion Elvetiga e insemma a la Val Calanca, la Val Mesolcina e a la Val Bregaja la forma el Grison italian, l'inscì ciamaa Grigioni Italiano. La part italiana de la vall la se troeuva in de la provincia lombarda de Sondri.

Geografia[Mudifega | mudìfica 'l sorgènt]

La vall l'è traversada del fiumm Pos'ciavin che 'l nass del Lagh Bianch, el scorr in de la Valtellina e 'l va dent a l'Adda. Tant 'me la Val Bregaja, la Val Pos'ciav l'è isolada del rest del Canton Grison, menter ghe se pò rivà senza problema de l'Italia col passà el confin a Tiran. L'è collegada a l'Engadina grazie al Pass del Bernina.

Comun de la vall[Mudifega | mudìfica 'l sorgènt]

In termen de religion la Val Pos'ciav l'è messedada in tra cattòlegh e evangelegh. El tocch sguizzer l'è 50%-70% cattòlegh e 30%-50% evangelegh (gh'è pussee protestant in del tocch meridional de la Val Pos'ciav in Sguizzera, ciovè in del Brüsasch che in del tocch setentrional, ciovè intorn a Pos'ciav, indova la pupart di protestant la sta de cà in paes). Inscambi el tocch che 'l partegn al staat italian l'è asquas tutt cattolegh e de protestant de gh'è proppi pocch.