Tram ATM 1500

Quest articol chì l'è scrivuu in lombard, grafia milanesa.

Tram ATM 1500
Tram
El tram in allestiment storich
Agn de projetazion	1927
Agn de costruzion	1927-1930
Agn de esercizi	1928-
Quantitaa produxida	502
Costruidor	Breda, Carminati & Toselli e alter
Lungeza	13'890 mm
Largeza	2'350 mm
Alteza	3'230 mm
Capacitaa	29 settaa, 101 in pee
Quota del pian del pestar	742 mm
Scartament	1'445 mm
Pass di carrei	1'625 mm
Massa a vœd	15 t
Velocitaa massema omologada	40 km/h
Alimentazion	600 V CC
Daits ciapads da: Dacc ATM

I Tram ATM 1500 hinn 'na familia de tram de la ATM drovaa dal 1928 in su la red di tram de Milan. Per quest l'è ciamaa popolarment Vintott.

Grazia a la sò robustezza l'è staa possibil salvài di bombardament de la segonda guerra mondial e mettij a post cont pocch lavorà. A l'è doperaa anca foeura de Milan: La red di tram de San Francisco la dopera ona desina de Vintott per la storega linia F, on para hinn in Missouri e vuna l'è stada a Melbourne, poeu spostada in del musee tramviari de Sydney in del 2015. Anca i Red de Madrid e Bruxelles han vist, per on quaj ann, i Vintott in sui sò binari.

Storia

Anca se la se ciama Vintott, el primm prototip de la Carminati & Toselli a l'è del 1927, immatricolaa 1501. In del febrar del 1928 a fann el prototip 1502, e in del gir de on para d'agn hinn faa 500 unità e hinn mettuu in servizzi cont i numer da 1503 a 2003.

Originariament a dò port, dal 1931 l'è stada giontada 'na terza porta a metà per facilità el moviment e l'access al salott di fumator in coa. In del midemm ann el banch del biliettari a l'è spostaa dal center, per la noeuva legg in sui mezz publegh.

Cont i bombardament di Liaa de la Segonda Guerra Mondial squasi tucc i unità a hinn danegiaa, ma grazia a la sò resistenza a hinn reparaa tucc, foeura de la 1624, danneggiada irreparabilment.

A l'inizzi di agn 1970 la livrea verda l'è sostituida del naranz ministerial, poeu impost a tucc i mezz publegh d'Italia. Sempre in di midemm agn la perteghetta, despess causa de dagn ai cav e de sortii del percors, a l'è sostituta cont el pantograf, cont di intervent finii in del 1978.

In del dicember 2008 a hinn recoloraa cont ona livrea gialda bicolor, in riferiment ai primm prototip, in di agn successiv poeu spantegaa ai tram 7500, 7600 e 4600/4700. Però i tram dedicaa a l'addestrament e al servizzi tecnegh a hinn restaa naranz.

In del 2010 i mezz a hinn staa refinii, cont l'introduzion di noeuv separé in tra la gabina e la sezion passeggee e di noeuv costruzion in legn.

Vittur particolar

1503, vettura storica, fada come l' original in del 1996
1552, vettura de servizzi doperada in di addestrament, in livrea naranz
1699, vettura special Tramito, tram coloraa de ross dal 2001 per i servizzi scolastich
1702, colorada bianca dal 1982 e doperada per i ficc e per la pubblicità
1723, vittura special, colorada verda bicolor in del 1994 e doperada per i pubblicità
1794, vettura de servizzi doperada per trainà i Sirio guast.
1796, taccada a la 1973 in del 1984 per fà el prototip a dò cass 4500 (II), accantonata
1822, vittura special doperada per ficc e pubblicità, originariament in sostituzion de 'n alter frM
1847, vittura special, doperada da fin 1994 per i servizzi in ficc e de pubblicità in livrea biverda
1855, dal 2006 doperada per el restorant in moviment ATMosfera
1908, originariament 1502, in attesa de vess restaurada
1915, vettura de servizzi, doperada per trainà i Sirio s'ceppaa
1927, doperada per i reclam de la Saiwa, incoeu a l'è accantonada
1949, vettura de servizzi fada per i proeuv de ingombr Sirio, accantonada
1955, vettura de servizzi cont el spazzanev e pantograf sperimental.
1957, vettura special, colorada d'arsgent dal 1999 e doperada per i scoeul.
1966, vettura de servizzi cont la perteghetta
1970, vittura restorant doperada dal 2006 per ATMosfera
1973, taccaa a la 1796 in del 1984 per fà el prototip a dò cass 4500 (II),
1980, in livrea naranz e doperada per i servizzi speciai.

El Vintott in del mond

In de l'agost del 1929 on'unitaa a l'è stada menada su a Bruxelles, e in del 1932 l'è stada mittuda in servizzi cont la matricola 5001. In del 1935 l'è stada revenduda ncamò a Madrid, che la numera prima 1001 e poeu 1000. A l'è poeu stada trada via del servizzi in del 1965.

In del luj del 1929 a Francofòrt l'è stada noleggiada per ses setteman 'na Vintott per el congress internazional di tram e straport publegh. A l'era proprietaa de la Breda e a la finn de l'Esposizion l'è stada menada a Milan in servizzi regolar.

In di vari agn 'na desinna de Vintott hinn staa venduu a San Francisco e hinn doperaa sia in circolazion, in su la ligna F, sia in de l'addestrament di manetta. Hinn deventaa vun di simboj de la cittaa americana tant de vess druaa anca de la reclamm de na famosa marca de ris prepreparaa.

Galleria de foto

La 1549 in Cassiodor, longh la guerra
Incros cont on Gamba de Legn in c.so Vercelli
In Piazza Cadorna
On Vintott denanz a la Santa Maria di Grazij
On Vintott in servizzi
Vintott a Porta Noeuva
La gabina del tram
Interno del tram
I panch del tram

Vos correlaa

Bibliografia

Giovanni Cornolò, Giuseppe Severi, Tram e tramvie a Milano 1840-1987, Milano, Azienda Trasporti Municipali, 1987, pp. 86–93.
Guido Boreani, Un tram che si chiama Milano, Calosci - Cortona, 1995. ISBN 88-7785-113-9