Total Combat Wrestling
|
|
Quel articul chì l'è scrivüü in Lumbard, cun l'urtugrafia insübrica ünificada. |
La Total Combat Wrestling (TCW) l'è una federasiun italiana da wrestling nasüda in da l'Utubar dal 2006 in seguit a la dipartida dai lutadùr da la Frontier Championship Wrestling. In poch temp, ul scirö uriginal dai ribel - parola ca la vegn duprada per definì i lutatur da la federasiùn - el vegn püssee grant, grasie a nöf atleti pruvenient dai palestar da Milan, Vares, Imula e Ancuna. La TCW l'è una federasiùn estrema e sa ved in del sò stil hardcore, che l'è la sua specialità. La TCW la met sü in pali quatar titul: la cintüra TCW, la cintüra Extreme, la cintüra Revolution e ul titol da "Coppia". In da l'Està dal 2007 la TCW la va in America: Break Bones, Low G e Tyler Blaze a vegnan cuntatà da la NWA Carolina e a ciapan part al spetacul de la federasiùn americana. La TCW la sa impegna anca in dal sucial: ul 6 otubar 2007, infati, al s'e' tegnü a Des, un spetacul da beneficensa, "Cuore Ribelle" (Cör Rebel), che'l sò ricavaa l'è staa devulüü a Simone Celotto, un bagaj da 10 an ca'l sufriva d'anemia aplastica.