Tiririca

De Wikipedia
Va a: navegá, truvá
Ludesàn Chel articul chi l'è scrivüd en ludesan cun urtugrafìa ünificada
Tiririca in Parlamènt.
Tiririca (sx), cul sò amis còmic Shaolin.

Tiririca, che in realtà el se ciama Francisco Everardo Oliveira Silva (Itapipoca Brasil, 1 de magg 1965), l'è un müsicista, cantant e comich brasilian. In dal utuber dal 2010 l'è stai elegiüd depütà federal al Cungress de Brasilia (par el Stat de São Paulo), e l'è risültad el secund püssè vutad in tüta la storia dal Stat[1].

Biugrafia[Mudifega | mudìfica 'l sorgènt]

Nassüd a Itapipoca, in del Stat del Ceará el prim de magg dal 1965, l'ha cuminciad da fiulin, a 8 an, a laurà in dal circu. Alura sò mà la g'ha dai la scurmagna de Tiririca.

L'ha imparad a sunà e cantà in de le feste de paes, e l'ha laurad in d'le television Rede Record e Rede SBT.

Quand l'ha lanciad el sò prim disch Veja os cabelos dela, l'è stai denunciad cume rassista, ma l'ha ricevüd l'assulüssion quasi sübit.

In del utuber dal 2010 el s'è miss in lista par i elession al Cungress Federal Brasilian e tanti i gh'en 'ndai cuntra parchè i pensevun che l'era miga bon de legg e de scriu. I sò aucat l'han però prutegid cun el mutiu che l'è dislessich e l'è miga bon de ved i parol vüna dopu l'oltra, e de ciapà in man la biro.[2]

Ancaben, i sò elession i en stai un sücess, cun 1.300.000 preferense in tüt el Stat de São Paulo.

Discugrafia[Mudifega | mudìfica 'l sorgènt]

  • 1990: Veja os cabelos dela
  • 1997: Tiririca
  • 1999: Dança da Rapadura

Se l’ha dì[Mudifega | mudìfica 'l sorgènt]

Quand l'era in lista per i' elession, par fass vutà el diseva:

Wikiquote-logo.svg
«S'el fà un depütà Federal? El sò no, ma vutem, che dopu ve la cüntarò sü»
(Tririca)
Wikiquote-logo.svg
«O que é que faz um deputado federal? Na realidade, eu não sei. Mas vote em mim que eu te conto!»
(Tririca)

Riferiment[Mudifega | mudìfica 'l sorgènt]

  1. (in PT) Cun 1.350 vut, Tiririca l'ha quasi batüd el record d'i elession a depütà federal
  2. (in PT) Tiririca, l'analbeta cumplet

Ligam de föra[Mudifega | mudìfica 'l sorgènt]