Teater in lombard
Con teater in lombard intendom quell rosc de oeuver teatrai che, in del cors di secoi e anmò adess, hinn staa scrivuu in lengua lombarda.
El gener el nass a la fin del XVII secol cont i comedi del Magg e del De Lemene, per poeu desviluppass soratutt in del XIX, con la granda stagion del teater milanes. A partì de la fin del Vottcent, e anca al dì d'incoeu, a gh'emm on spantegament de la produzzion teatral popolar, anca se minga semper de nivell volt.
De solit, el teater in lombard a l'è municipal per natura, ma gh'è anca di oeuver che metten insemma vari dialett lombard, on esempi a l'è la Farsa Rococò bressana, indova che gh'è di part in bressan e di alter in milanes.