Carl Maria Maggi

Chel articul chí l'è dumà un sbozz. Se violter sii bun de mètegh dent un quejcoss de pü, preocüpeves minga e pruvégh. Inscí de vègh un'ideja de tücc i olter sbozz, vardee chinscí.

Quest articol chì l'è scritt in milanes, ortografia classega.

El Carl Maria Maggi.

Carl Maria Maggi (Milan, 3 Magg 1630-1699) l'è staa un famos poeta e autor de cumedie en la lengua milanesa, famos anca per aver inventaa el personagg del servidor Meneghin che l'è poeu diventà la mascherà pusèè popular del carneval ambrosian e perfin el suranomm di tucch i milanes .

Biografìa

El Maggi l'ha criticàà in di sò over la decadenza de la nobiltà milanesa sota de la dominazion spagnòla. Da giovin l'aveva viaggiaa tant, e poeu del 1656 l'é tornaa a Milan e del 1661 a l'aveva ottenuu la nòmina a secretari del Senad Milanes, che l'ha mantegnuu fina a la mòrt, del 1699. A l'era stàa musicista in del Domm de Milan, e l'aveva toeut la laurea in legg a l'Università de Bològna.

Over

El Maggi l'ha scrivuu sia in italian, che in latin e fin in spagnoeu.
In milanes el Maggi l'ha scrivuu divers poesìi e cinch comedi, con protagonista la maschera de Meneghin Pecenna.

I consej de Meneghin

In del pass de la comedia "I consigli di Meneghino", se ved l'ésit "necessitàe" al pòst de "necessitaa", druvaa al dì d'incoeu. L'inizzi:

“	I Maggiorengh de cà ghe van per comandà; O quij ch'inscì comporta i soeù interess, O i soeù necessitàe; l'è on olter cunt. ...	”
—I consigli di Meneghino

El concors de' meneghini

In quest pass de la comedia "Il concorso de' meneghini", gh'è na bela difèsa del parlà milanes. L'inizzi:

“	Fei vegnì dent tugg trì Toson bon de cìarvell, e mei de coeur C'hi biù genji, e spiret par la reputazion del vost lenguagg, ...	”
—Il concorso de' meneghini

Racconto di una paura dei ladri in casa

In de la poesìa "Racconto di una paura dei ladri in casa", el Maggi el descriv j'effet de vegh i làder in cà. L'inizzi:

“	Par favv on pó de coeur, se n'hì besogn contra i pagur che van attorna adess, cont i solet spegasc del barba Togn, ve scrivij de sta nogg on bel suzzess. ...	”
—Racconto di una paura dei ladri in casa

Tratteniment de l'autor in villa

In de la poesìa "Trattenimento dell'autore in villa", el Maggi el cunta ona giornada intrega passada in campagna. L'inizzi:

“	Sont a Lesma sol solett par fà i cunt cont i Massé; Bella vista e loeugh quiett Da descorr conti i pensé. ...	”
—Trattenimento dell'autore in villa