Sufism
|
Quest articol chì l'è scrivud in lombard, con la Noeuva Ortografia Lombarda |
El sufism (in orient ciamad pussee Tasawwuf) a l'è la corrent mistega de l'Islam, che per quei che ghe vann dree a l'è vegnud foeura sgiamò di insegnament del profeta Maomet e del cognad Ali, che despess l'è ciamad "el pader del sufism".
I sufi a inn partid in vari orden, ciamad Tariqa, che gh'hann un fondator e 'na sucession gerarchega, e se incontren per fà di cerimonie misteghe indova che despess se sgira in tond e se ripet el nom de Allah.
In principi i sufi partegniven tucc a l'Islam sunnita, ma poeu inn vegnud foeura anca di orden legad al Sciism, soratut con l'annession de la Persia e la soa conversion. I Sufi, de lor, ghe vann adree strecciament a la Sharia, ma de solet a inn no inscì radicai in l'aplicazzion a nivell statal, e pensen che 'l so de lor raport con Allah a l'è la roba la pussee important che la ghe sia.
El sufism l'ha tacad un poo a declinà dopo del '900, un poo per la modernizazzion de la Turchia voluda de Atatrk che l'ha proibid i orden per vari temp, un poo per la critega del so penser vegnuda sia di estremista religios compagn di salafita sia di pussee modernista.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikiquote el gh'ha dent citazzion de o su Sufism
Wikimedia Commons el gh'ha dent imagin o alter archivi su Sufism
