Strada de prima class
![]() |
Quest articol chì l'è scrivud in lombard, con la Noeuva Ortografia Lombarda |
![](http://upload.wikimedia.org/wikipedia/commons/thumb/7/72/%C4%8Cesk%C3%A1%2C_Svitavsk%C3%A1_radi%C3%A1la_z_nadjezdu_%2802%29.jpg/220px-%C4%8Cesk%C3%A1%2C_Svitavsk%C3%A1_radi%C3%A1la_z_nadjezdu_%2802%29.jpg)
Una strada de prima class (Silnice I. třídy in cech, Cesta I. triedy in slovach) a l'è, in Cechia e Slovachia, un tipo de strada che la serviss a conligà i center pussee important del Pajes e a garantì el straport inter-regional e anca internazzional.
Cechia[Modifega | modifica 'l sorgent]
![](http://upload.wikimedia.org/wikipedia/commons/thumb/f/fd/SilniceI3.svg/220px-SilniceI3.svg.png)
In Cechia i strade de prima class a inn indicade de 'n cartell bloeu cont un numer a vuna o do zifer e despess inn precedud del numer roman I, per indicànn la class. Inn possedude del Stat e, de solet, inn tratade 'me di superstrade, donca l'acess a l'è limitad ai veicoi a motor, gh'è di limitazzion per el trafegh pesant e se po parchegià domà in di spazzi aposta, inoltra gh'è anca i segnai de progression chilometrega.
I pussee longh a inn la strada de prima class 11 e la strada de prima class 35, de 308 e 303 km, menter i pussee curte a inn la strada de prima class 41 e 70, de 2,99 e 2,43 km.
A gh'è anca di strade, compagne de l'Anell Zitadin de Praga, che inn compagne a di strade de prima class 'me carateristeghe ma inn gestide del comun che ghe partegnen.
Slovachia[Modifega | modifica 'l sorgent]
![](http://upload.wikimedia.org/wikipedia/commons/thumb/6/6f/I12-SVK-2020.svg/220px-I12-SVK-2020.svg.png)
In Slovachia i strade de prima class a inn indicade de 'n cartell bloeu ciar cont un numer a vuna o do zifer, che poden havégh anca una letera de indes dopo, e despess inn precedud del numer roman I, per indicànn la class. Servissen a conligà i vari confin del Pajes e i vari Region indova che gh'è minga i autostrade o i superstrade che, a diferenza de la Cechia che i ha sgiontadr ai autostrade, inn no domà una classifegazzion de costruzzion ma anca numerega.
La pupart di strade slovache de prima class a inn de proprietà del Stat, foeura che per quei de Bratislava che inn de proprietà del comun, i trat de competenza de la dovana e quei che in futur deventarann autostrade, che inn sgiamò in man a la Compagnia Nazzionala di Autostrade.
Per i veicoi de men de 3,5 t a inn semper a gratis, menter per i veicoi che pesen pussee se paghen i trate che corren arent a 'n autostrada o superstrada e di alter trat de transit important
Riferiment[Modifega | modifica 'l sorgent]
- Lesg ceca 13/1997 in sui strade
- Ministrazzion di strade slovache
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Strada de prima class