Stìgmate

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa ünificàda Lombard oriental
I stìgmate del San Francèsch d'Asìzi

I stìgmate (dal latì stigma a sò ólta dal gréch antìch στίγμα che 'l völ dì sègn) i è i ferìde che i à segnàt ol còrp de Nòst Signùr in de la sò Pasiù segónt chèl che gh'è scrìcc in di Vangéi.

I sègn de la Pasiù de Nòst Signùr i s'è però mostràcc in di sécoi ach söl còrp d'öna quach sancc e beàcc; piö o méno 'n 250 i à riceìt i stìgmate segónt la Céza Catòlega che i a consìdera ü dóno del Signùr e la dis che i è 'l sègn de la partecipasiù al mal patìt da Gezü Crést.

I stìgmate i pöl vès vizìbel e mia vizìbel (ma dolorùz compàgn di ótre), insanguanàt e mia insanguanàt, i pöl dürà per sèmper o adóma per impó de tép.

I stìgmate i è fàce da chèste sich ferìde:

  • ferìde 'n di la mà o 'n di póls, che i sömèa a chèle lasàde da i ciócc,
  • ferìde 'n di pé, che i sömèa a chèle lasàde da i ciócc,
  • ferìde söl có, che i sömèa a chèle lasàde da la curùna de spì,
  • ferìde 'n de la spàla, che i sömèa a chèle lasàde da la frösta de la flagelasiù,
  • ferìda 'n di còste, che la sömèa a chèla lasàda da la pónta de la lància.

Tra i sàncc e i beàcc che se regóda ès istài segnàcc da i stìgmate i gh'è ol San Francèsch de Asìzi, la Santa Rita da Cascia, la Santa Caterina da Siena, la Gemma Galgani, ol Padre Pio de Pietrelcina.