Sorelle materassi

Quest articol chì l'è scrivud in lombard, con la Noeuva Ortografia Lombarda

Sorelle Materassi a l’è on scenegiad televisiv prodot e trasmetud in del 1972 dalla RAI in sul Programa Nazzional de allora (in seguit diventad Rai 1). L’era tirad foeura del romanz che ‘l gh’ha l’istess nom de l'Aldo Palazzeschi publicad in del 1934.

El scenari de la fiction televisiva - divisa in tre puntate mandade in onda in prima serada in di domeniche del 24 de setember, del 1 de otober e del 8 de otober – l’era del Luciano Codignola e del Franco Monicelli, con la supervision de l’Aldo Palazzeschi medem, inveci la regia l’era firmada del Mario Ferrero.

I interpret principai a eren, la Sarah Ferrati (Teresa), la Rina Morelli (Carolina) e la Nora Ricci (Giselda, maridada ma poeu bandonada dal marid) a fa la part di trè sorelle Materassi (ricamadore de bianch), l’Ave Ninchi a fà la part de la dona servizzi fedel Niobe e a fa la part del nevud Remo el Giuseppe Pambieri. In fra i comparse el figura anca el Roberto Benigni che allora ‘l gh’aveva vint ann a fa la part d’on sgiovinot.

Alter interpret:

• Evelina Gori (l’Augusta, la quarta sorella, mader del Remo)
• Dina Sassoli (la contessa russa)
• Erna Schürer (Peggy, la rica ereditina maridada del Remo)
• Nietta Zocchi (la diretris)
• Siria Betti (la mier del Fellino, el masser di Materassi)
• Alfredo Bianchini (el prevost)

La trama del scenari televisiv la recalca fedelment quella del romanz e del film con l’istess titol - giusta, Sorelle Materassi – che l’è stad ricavad in di ann quaranta del regista Ferdinando Maria Poggioli.