Sils im Engadin/Segl
|
|
Quel articul chì l'è scrivüü in Lumbard, cun l'urtugrafia insübrica ünificada. |
| Sils im Engadin/Segl Comun | |||||
|---|---|---|---|---|---|
| |||||
 | |||||
| Dats aministrativ | |||||
| Nom ofiçal | Sils im Engadin/Segl | ||||
| Stat | Svìzzera | ||||
| Canton | Grison | ||||
| Distret | Malœugia | ||||
| Politega | |||||
| Sindeg | |||||
| Orgen lejislativ | Consili comunal | ||||
| Territore | |||||
| Coordinade | 46°25′59″N 9°45′59″E / 46.433056°N 9.766389°E | ||||
| OSM | 1684169 | ||||
| Voltituden | 1803 m s.l.m | ||||
| Superfix | 63,57 km² | ||||
| Abitants | 700 ab. (31 dicember 2018) | ||||
| Densitaa | 11.01 ab./km² | ||||
| Confin | Samedan, Silvaplana, Bargaja, Lanzada e Sgesa | ||||
| Fus orari | UTC+01:00 e UTC+02:00 | ||||
| Varie | |||||
| Prefiss | 081 | ||||
| Codex postal | 7514 | ||||
| Sigla autom. | GR | ||||
| Cl. climatega | |||||
| Cl. sismega | |||||
| Localizazion | |||||
 | |||||
| Sit istituzional | |||||
Sils im Engadin (Segl in rumanc), l'è ün cumün svizzer in del Cantùn di Grisùn che'l gh'ha 744 abitant.
El sitt
[Modifega | modifica 'l sorgent]
Sils el se troeuva in de l'Alta Engadina, in sü la spunda manzina del fiüm Inn, in mezz ai lach de Sils e de Silvaplana. L'è a 10 km da Sankt Moritz, 41 da Ciavèna e 75 da Coira, la capitàal del Cantùn. La staziùn de la feruvia pussee visina l'è quèla de Sankt Moritz, gestida da la Feruvia Retica.
Il punt pussee olt del Cumün l'è el Piz Corvatsch (3451 m), sul cunfìn cunt Samedan.
El Cumün
[Modifega | modifica 'l sorgent]El Cumün de Sils el gh'ha quater fraziùn:
- Sils Baselgia, ciamada inscì perchè a gh'è la gesa (baselgia in rumanc) de San Lurenz, che l'è in mezz ad ün cimiteri piscinìn; in 'sta fraziùn chì la ghè anca la Biblioteca Engiadinaisa ("Bibliuteca engadinés");
- Sils Maria, in duvè ghè'l municipi (chesa cumünela in rumanc), la cà in duvè l'ha vissüü Friedrich Nietzsche e'l musée Robbi (dedicàa a Andrea Robbi, pitùr de Sils mort in del 1945);
- Val Fex, üna val che la cumincia dal Bernina e la finiss a Sils Maria; in 'sta val chì se poeu minga nà cunt i machini (ghè ün servizi de birocc tiràa da cavaj che'l part da Sils Maria) e gh'hin ün frach de baiti fadi sü in stil engadinés;
- Plaun da Lej, che l'è tra Sils Baselgia e Malögia, in sü la spunda ucidentàal del lach de Sils.
Olter a 'sti fraziùn chì, gh'hin anca i piscinìn center abitàa (aclas in rumanc) ciamàa Grevasalvas, Blaunca e Buaira.
Persunagg famùs
[Modifega | modifica 'l sorgent]- Friedrich Nietzsche (1844-1900), filosuf tudesch, gh'aveva üna cà de vacanza a Sils Maria, incoeu trasfurmada in musée;
- Giovanni Segantini (1858-1899), pitùr italiàn, l'ha vissüü in Engadina tra Sils e Malögia dal 1894 fin a la mort;
- Andrea Robbi (1864-1945), pitùr svizzer, l'è nasüü e l'è mort a Sils Maria;
- Marcel Proust (1871-1922), scritùr frances, el faseva i vacanz a Sils;
- Herman Hesse (1877-1962), scritùr tudesch, anca lüü'l faseva chì i vacanz.
 |
Distret del Canton Grison | 
| |||||||
|---|---|---|---|---|---|---|---|---|---|
| Albula • Bernina • Hinterrhein • Imboden • Inn • Landquart • Malögia • Moesa • Plessur • Prättigau/Davos • Surselva | |||||||||